الەۋمەتتىك ماڭىزى بار ازىق-تۇلىك باعاسىن رەتتەۋ ناتيجەسىندە ەشقانداي دۇكەننىڭ بانكروت بولماعانى ايتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى پرەمەر-ءمينيستردىڭ ورىنباسارى — ۇلتتىق ەكونوميكا ءمينيسترى سەرىك جۇمانعارين مالىمدەدى.
ۇكىمەت وتىرىسىنان كەيىن وتكەن بريفينگتە ۆيتسە-پرەمەر قازىرگى تاڭدا الەۋمەتتىك ماڭىزى بار ازىق-تۇلىكتىڭ 19 ءتۇرىنىڭ باعاسى مەملەكەت تاراپىنان رەتتەلىپ وتىرعانىن ايتتى. الداعى ۋاقىتتا بۇل ءتىزىمدى ۋاقىتشا تۇردە 33 تاۋارعا دەيىن كەڭەيتۋ جوسپارلانىپ وتىر.
"ازىق-تۇلىك ينفلياتسياسى ءبىزدى ەرەكشە الاڭداتىپ وتىر. سەبەبى بىرقاتار ءونىمنىڭ باعاسى ۇزاق ۋاقىت بويى ءوسىپ كەلەدى جانە بۇل ماۋسىمدىق فاكتورلارعا بايلانىستى ەمەس", — دەدى سەرىك جۇمانعارين.
ءمينيستردىڭ ايتۋىنشا، باعانىڭ قىمباتتاۋى كوبىنە الىپ-ساتارلىق ارەكەتتەرمەن بايلانىستى.
ء"بىز بۇل شارالاردى جاي عانا ەنگىزىپ وتىرعان جوقپىز. ءۇي جانىنداعى دۇكەندەرگە دە، قاجەت بولعان جاعدايدا ءىرى كومپانيالارعا دا قولداۋ كورسەتۋگە دايىنبىز. بۇل باستامالار كاسىپورىنداردى بانكروتتىققا ۇشىراتادى دەپ ويلامايمىز", — دەدى ۆيتسە-پرەمەر.
