اقش پرەزيدەنتى قازاقستان باسشىسىنا اق ءۇيدىڭ كىلتى مەن باس كيىمدى سىيلاعان، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
قازاقستاننىڭ اقش-تاعى ەلشىسى ماعجان ءىلياسوۆ اقش پرەزيدەنتى دونالد ترامپقا سەنىم گراموتالارىن تاپسىرعان. بۇل راسىمنەن كەيىن پرەزيدەنتتىڭ ءباسپاسوز حاتشىسى رۋسلان جەلدىباي الەۋمەتتىك جەلىدە ولاردىڭ كەزدەسۋىنىڭ ناتيجەلەرى تۋرالى جازبا جاريالادى.
جەلدىبايدىڭ ايتۋىنشا، سەنىم گراموتالارىن تاپسىرۋ راسىمىنەن كەيىن ەلشى مەن اقش پرەزيدەنتى قىسقاشا اڭگىمەلەسكەن. سول كەزدە ترامپ قاراشا ايىندا قازاقستان پرەزيدەنتى قاسىم-جومارت توقاەۆپەن اق ۇيدە بولعان كەزدەسۋىنەن العان اسەرىمەن ءبولىسىپتى.
“قۇراما شتاتتار كوشباسشىسى قازاقستان پرەزيدەنتىنە جىلى لەبىزىن جولداپ، ونى قۇرمەتتەيتىنىن اتاپ ءوتتى. سونداي-اق قاسىم-جومارت توقاەۆتى حالىقارالىق ۇدەرىستەردى تەرەڭ بىلەتىن ءارى جان-جاقتى تۇسىنەتىن تاجىريبەلى مەملەكەت قايراتكەرى، كەرەمەت ادام دەپ سيپاتتادى”، – دەلىنگەن جازبادا.
سونىمەن قاتار، اقش پرەزيدەنتى توقاەۆقا اق ءۇيدىڭ سيمۆوليكالىق كىلتىن جانە ءوزىنىڭ قولتاڭباسى قويىلعان بەيcبولكاسىن سىيلاعان.
