پرەمەر-مينيستر ولجاس بەكتەنوۆ ۇكىمەت وتىرىسىندا جاڭا سالىق كودەكسى كۇشىنە ەنگەننەن كەيىن بيزنەستىڭ جاعدايى قانداي بولاتىنىن ايتىپ ءوتتى، دەپ حابارلايدى "ادىرنا" ۇلتتىق پورتالى.
پرەمەر-مينيستر اتاپ وتكەندەي، بيزنەس قاۋىمداستىعى ءۇشىن قاراپايىم دەكلاراتسيا رەجيمىندە جۇمىس ىستەيتىن جەتكىزۋشىلەرمەن ءوزارا ارەكەتتەسكەندە شىعىنداردى ەسەپتەن شىعارۋ تىيىم سالىنۋى الاڭداۋشىلىق تۋدىرىپ وتىر. بۇل شامامەن 400 مىڭ ميكرو جانە شاعىن بيزنەس وكىلدەرىن قامتيدى.
“بۇل ساناتتاعى كاسىپكەرلەر ءوز بولاشاعى ءۇشىن الاڭداماسىن. قارجى مينيسترلىگى ولاردى سەرۆيستىك سالىق اكىمشىلىگى مودەلىمەن سۇيەمەلدەپ، ءتيىستى تۇسىندىرمە جۇمىستارىن جۇرگىزۋى قاجەت”، – دەدى ولجاس بەكتەنوۆ.
سونداي-اق، ول قارجى مينيسترلىگى مەن ۇلتتىق بانكتىڭ بىرلەسىپ، شاعىن بيزنەس ءۇشىن سالىق ەسەپتىلىگىن اۆتوماتتى تۇردە تولتىرۋ مۇمكىندىگىن قامتاماسىز ەتۋىن تاپسىردى.
سونىمەن قاتار، ۇلتتىق ەكونوميكا مينيسترلىگىنە جالپىعا بىردەي سالىق رەجيمىندە جۇمىس ىستەيتىن شاعىن جانە ورتا بيزنەس ءۇشىن قوسىمشا سالىق ەمەس قولداۋ شارالارىن ازىرلەۋ تاپسىرىلدى.
