ۆيدەودا NASA كليماتتىق اپاتتىڭ اۋقىمىن كورسەتتى. ICESat-2 سپۋتنيگىنىڭ مالىمەتتەرىن قولدانا وتىرىپ، عالىمدار سوڭعى 16 جىلداعى مۇز جامىلعىسىنىڭ وزگەرۋىن مودەلدەدى، - دەپ حابارلايدى "ادىرنا" Tengrinews.kz-كە سىلتەمە جاساپ.
«جەردى باقىلاۋدىڭ الدىڭعى قاتارلى لازەرلىك قۇرالىن قولدانا وتىرىپ، عالىمدار 16 جىل ىشىندە گرەنلانديا مەن انتاركتيداداعى مۇز قاباتتارىنىڭ بيىكتىگى قالاي وزگەرگەنىن ەگجەي-تەگجەيلى ولشەپ، جازدى.
2003 جىلى عالىمدار مۇز جامىلعىسىنىڭ بيىكتىگىن ولشەگەن بولاتىن، بۇل دەرەكتەردى 2019 جىلدىڭ بيىكتىگىمەن سالىستىرىپ، مۇزدىڭ قاي جەردە ءوسىپ جاتقانىن جانە ونىڭ قاي جەردە ەرىپ جاتقانىن كورۋ ءۇشىن دەرەكتەردى جيناستىرىپ، تالداۋ جاسادى.
مىسالى، زەرتتەۋلەر كورسەتكەندەي، انتاركتيداداعى بارلىق مۇزدىقتاردىڭ ىشىندەگى ەڭ ۇلكەنى شىعىس بەتتەگى مۇزدى قاباتتىڭ ءوسىپ كەلە جاتقانىن كورسەتەدى. باتىس انتاركتيكا جاعىندا عالىمدار مۇز قاباتتارىنىڭ قاتتى جۇقارعانىن بايقادى، بۇل جەر ءۇستى مۇزىنىڭ تۇسۋىنە اكەلەدى.
جالپى العاندا، جاھاندىق جىلىنۋدىڭ سالدارىنان گرەنلانديادا جىل سايىن شامامەن 200 گيگاتوندىق مۇز، ال انتاركتيدادا 118 گيگاتون مۇز جوعالادى.
https://www.youtube.com/watch?time_continue=131&v=lP_SCsMsxZI&feature=emb_logo
