كورىنبەس دەرتكە قارسى شىققاندار

2607
Adyrna.kz Telegram

جۋرناليستيكا – تاريحتىڭ تاسقا باسىلعان شيماي پاراعى. قانشا دەگەنمەن دە تاريح الدىمەن جۋرناليست قالامىمەن جازىلادى. تاريحي وقيعانى، قوعامدىق قۇبىلىستاردى العاش جەتكىزۋشى دە اقپارات سالاسىنىڭ ماماندارى. بۇگىندە الەم تاريحىنىڭ بەتتەرىندە ءتاج ىندەتى ءوز جۇرناعىن قالدىرۋدا. قاشاندا جاڭالىقتىڭ، جاڭانىڭ جاقتاۋشىسى بولعان، اقپارات تەڭىزىمەن قاتار جۇزەتىن جۋرناليستەر بۇل قيىن ساتتە دە ءوزىنىڭ كۇشى مەن ۋاقىتىن اياماي، باسىن بايگەگە تىگۋدە. توتەنشە جاعداي كەزىندە تاۋەكەلگە بارۋدان تايسالماعان جۋرناليستەر ءبىز ءۇشىن مايدانداعى جاۋىنگەرمەن تەڭ.

كوگىلدىر ەكرانداعى كورەرمەن قىزىعار ءبىتىم-بولمىس، راديودا ەستيتىن اسەم ءۇن، تانىمالدىلىق. بۇلا – ءبىزدىڭ ماماندىقتىڭ سىرتقى مۇقاباسى ىسپەتتى. ال شىندىعىندا ولار كەيىپكەر مۇڭىن تىڭداپ، تاۋ-تاستى ارالاپ، جەر-كوكتى كەزىپ، اقيقات ىزدەپ شىرىلدايدى. ءومىرىن قاتەرگە تىگەدى. ۇلتتىق قۇندىلىقتاردى ۇلىقتايدى. الايدا، ماماندىققا دەگەن ماحابباتتارى وسى قيىندىقتارعا دا قۇشتار ىسپەتتى. جۋرناليستەر بۇگىندە ءوز ءومىرىن قاتەرگە تىكتى. وسىناۋ قيىن ساتتە، اق حالاتتى ابزال جاننىڭ قاجەتىن، حالىق مۇڭىن «قاجەت قۇلاققا جەتكىزسەم» دەپ كوزگە كورىنبەس دەرتكە قاسقايىپ قارسى تۇرۋدا. سىزگە «ابايلاڭىز»-دەپ قورعانۋ شارالارىن كورسەتۋدە، «ۇيدە بول»-دەپ، ءوزى جۋرناليستتىك زەرتتەۋىن جالعاستىرۋدا.

حالىقتىڭ سەنىمىنە كىرمەي، جۋرناليست ءوزىنىڭ قوعامدىق مىندەتىن تولىق ورىنداي المايدى. سىزدەر «ءبىلسىن، سەنسىن» دەگەن نيەتپەن ءتاج ىندەتىنىڭ شىعۋىن زەرتتەدى، ىندەت وشاعىنان رەپورتاج جاسادى.

تەحنيكاعا ءتىل ءبىتىرىپ، قانات بەردىك دەسەك تە ءالى ىندەتتىڭ وتىن وشىرە الماي جاتىرمىز. «الەم تىنىشتىق مەكەنىنە اينالىپ، ىندەت ۇيدە بولۋدى، وتباسىنا كوڭىل ءبولۋدى ۇيرەتتى» - دەيمىز. يا، بۇل الەمدى ۇيدە وتىرىپ قۇتقارۋشىلار پىكىرى. الايدا، دەرتتى جويۋعا قارسى شىققان بۇگىنگىنىڭ باتىرلارىنا بۇل ىندەت وتباسىنا دەگەن ساعىنىشتى ارتتىرىپ، الەم ءۇشىن جاۋاپكەرشىلىك مىندەتتەرىن ۇلعايتتى.

ءبىز اق حالاتتى ابزال جانداردىڭ قاتەلىكتەرى ءۇشىن نالىدىق، «ۇستاز بالاما ۇرىستى» دەپ رەنجىدىك، ءتارتىپ ساقشىلارىن مويىندامادىق، «قايىرىمدىلىقتى كورسەتتىڭ» دەپ سوكتىك. بىراق، ىندەت ماماندار قادىرىن ارتتىردى .

كەي ساتتەر ەستە قالادى، تۇتاس وقيعا ۇمىتىلادى. تاريحتىڭ ءبىر پاراعىن وزىنە ارناتقان ءتاج ىندەتى ۇمىتىلسا دا، ادام جانىنىڭ اراشاسى اق حالاتتى ابزال جاندار قاجەتتىلىگىن، «ءتارتىپ دەگەن ءتاڭىر بار»-دەپ مىندەتىن اتقارىپ جۇرگەن تاۋەلسىزدىك ساقشىلارىنىڭ ەرلىگىن، اقپارات مايدانى كۇرەسكەرلەرىنىڭ ادالدىعىن، ينفەكتسياعا قارسى قالالاردى تازارتۋ جۇمىسىنا اتسالىسقان ازاماتتار ەڭبەگىن،قايىرىمدى جاندار شاپاعاتىن ۇمىتپاساق دەيمىن.

كورىنبەس دەرتكە قارسى  شىققاندارعا

 العىس ءبىلدىرۋشى:  ءدۇريا قىدىربەكوۆا

تۇران ۋنيۆەرسيتەتى

جۋرناليستيكا ماماندىعىنىڭ 1 كۋرس ستۋدەنتى

پىكىرلەر