Jýrnalıstıka – tarıhtyń tasqa basylǵan shımaı paraǵy. Qansha degenmen de tarıh aldymen jýrnalıst qalamymen jazylady. Tarıhı oqıǵany, qoǵamdyq qubylystardy alǵash jetkizýshi de aqparat salasynyń mamandary. Búginde álem tarıhynyń betterinde táj indeti óz jurnaǵyn qaldyrýda. Qashanda jańalyqtyń, jańanyń jaqtaýshysy bolǵan, aqparat teńizimen qatar júzetin jýrnalıster bul qıyn sátte de óziniń kúshi men ýaqytyn aıamaı, basyn báıgege tigýde. Tótenshe jaǵdaı kezinde táýekelge barýdan taısalmaǵan jýrnalıster biz úshin maıdandaǵy jaýyngermen teń.
Kógildir ekrandaǵy kórermen qyzyǵar bitim-bolmys, radıoda estıtin ásem ún, tanymaldylyq. Bula – bizdiń mamandyqtyń syrtqy muqabasy ispetti. Al shyndyǵynda olar keıipker muńyn tyńdap, taý-tasty aralap, jer-kókti kezip, aqıqat izdep shyryldaıdy. Ómirin qaterge tigedi. Ulttyq qundylyqtardy ulyqtaıdy. Alaıda, mamandyqqa degen mahabbattary osy qıyndyqtarǵa da qushtar ispetti. Jýrnalıster búginde óz ómirin qaterge tikti. Osynaý qıyn sátte, aq halatty abzal jannyń qajetin, halyq muńyn «qajet qulaqqa jetkizsem» dep kózge kórinbes dertke qasqaıyp qarsy turýda. Sizge «abaılańyz»-dep qorǵaný sharalaryn kórsetýde, «úıde bol»-dep, ózi jýrnalısttik zertteýin jalǵastyrýda.
Halyqtyń senimine kirmeı, jýrnalıst óziniń qoǵamdyq mindetin tolyq oryndaı almaıdy. Sizder «bilsin, sensin» degen nıetpen táj indetiniń shyǵýyn zerttedi, indet oshaǵynan reportaj jasady.
Tehnıkaǵa til bitirip, qanat berdik desek te áli indettiń otyn óshire almaı jatyrmyz. «Álem tynyshtyq mekenine aınalyp, indet úıde bolýdy, otbasyna kóńil bólýdi úıretti» - deımiz. Iıa, bul álemdi úıde otyryp qutqarýshylar pikiri. Alaıda, dertti joıýǵa qarsy shyqqan búginginiń batyrlaryna bul indet otbasyna degen saǵynyshty arttyryp, álem úshin jaýapkershilik mindetterin ulǵaıtty.
Biz aq halatty abzal jandardyń qatelikteri úshin nalydyq, «ustaz balama urysty» dep renjidik, tártip saqshylaryn moıyndamadyq, «qaıyrymdylyqty kórsettiń» dep sóktik. Biraq, indet mamandar qadirin arttyrdy .
Keı sátter este qalady, tutas oqıǵa umytylady. Tarıhtyń bir paraǵyn ózine arnatqan táj indeti umytylsa da, adam janynyń arashasy aq halatty abzal jandar qajettiligin, «tártip degen táńir bar»-dep mindetin atqaryp júrgen táýelsizdik saqshylarynyń erligin, aqparat maıdany kúreskerleriniń adaldyǵyn, ınfekııaǵa qarsy qalalardy tazartý jumysyna atsalysqan azamattar eńbegin,qaıyrymdy jandar shapaǵatyn umytpasaq deımin.
Kórinbes dertke qarsy shyqqandarǵa
alǵys bildirýshi: Dúrııa Qydyrbekova
Turan ýnıversıteti
Jýrnalıstıka mamandyǵynyń 1 kýrs stýdenti
