ەكىگە جارىلعان چاندي بەنتار قاقپاسى - باليدەگى ەڭ كلاسسيكالىق كورنەكى بەلگىلەردىڭ ءبىرى.
چاندي بەنتار ادەتتە ءدىني عيماراتتاردىڭ، پاتشا سارايلارىنىڭ نەمەسە زيراتتاردىڭ كىرەبەرىستەرىندە ورنالاسقان. بىراق سوڭعى كەزدەرى كوپتەگەن زايىرلى نىساندار چاندي بەنتار قاقپاسىن ءوز ارحيتەكتۋراسىندا قولدانا باستادى. بۇنىڭ جارقىن كورىنىسى رەتىندە كۋتاداعى جاعاجايعا كىرۋ قاقپاسى مەن بالي حاندار گولف-رەزورتىنىڭ قاقپاسىن ايتا الامىز.
چاندي بەنتار - ورتاسى بولىنگەن بالياندىق عيباداتحانانىڭ سيلۋەتى تۇرىندەگى سيممەتريالى قاقپا. سونىمەن قاتار، ادەتتە بۇدان ءوتۋ ءۇشىن ادام بىرنەشە ساتىعا كوتەرىلۋى كەرەك. مۇنداي قاقپالار باليدە عانا ەمەس، دجاۆادا دا كەزدەسەدى. مادجاپاحيت اۋلەتى ءبىر كەزدەرى بالي مادەنيەتىمەن قاتار، لومبوككە دە اكەلگەن دەسەدى.
سونىمەن قاتار، بۇل قاقپالار عالامداعى ەكى ۇعىم جاقسىلىق پەن جاماندىقتى بىلدىرەدى دەلىنگەن. ەگەر ادام وسىنداي قاقپادان وتسە، ونىڭ جان دۇنيەسىندەگى الاڭداۋشىلىق كۇشىن جويادى دەگەن سەنىم بار.
دەرەككوز: Facebook پاراقشاسىنان الىنىپ، اۋدارىلدى
"ادىرنا" ۇلتتىق پورتالى
