Ekige jarylǵan Chandı Bentar qaqpasy - Balıdegi eń klassıkalyq kórneki belgilerdiń biri.
Chandı Bentar ádette dinı ǵımarattardyń, patsha saraılarynyń nemese zırattardyń kireberisterinde ornalasqan. Biraq sońǵy kezderi kóptegen zaıyrly nysandar Chandı Bentar qaqpasyn óz arhıtektýrasynda qoldana bastady. Bunyń jarqyn kórinisi retinde Kýtadaǵy jaǵajaıǵa kirý qaqpasy men Balı Handar golf-rezortynyń qaqpasyn aıta alamyz.
Chandı Bentar - ortasy bólingen balıandyq ǵıbadathananyń sılýeti túrindegi sımmetrııaly qaqpa. Sonymen qatar, ádette budan ótý úshin adam birneshe satyǵa kóterilýi kerek. Mundaı qaqpalar Balıde ǵana emes, Djavada da kezdesedi. Madjapahıt áýleti bir kezderi Balı mádenıetimen qatar, Lombokke de ákelgen desedi.
Sonymen qatar, bul qaqpalar ǵalamdaǵy eki uǵym jaqsylyq pen jamandyqty bildiredi delingen. Eger adam osyndaı qaqpadan ótse, onyń jan dúnıesindegi alańdaýshylyq kúshin joıady degen senim bar.
Derekkóz: Facebook paraqshasynan alynyp, aýdaryldy
"Adyrna" ulttyq portaly
