بۇگىن اقپاراتتىق-كوممۋنيكاتسيالىق ورتالىقتا مەملەكەت باسشىسىنىڭ تاپسىرماسىنا سايكەس، ءبىلىم سالاسىنداعى وزەكتى ماسەلەلەر بويىنشا ونلاين-بريفينگ ءوتتى. بريفينگ بارىسىندا شىمكەنت قالاسى ءبىلىم باسقارماسىنىڭ باسشىسى جانات تاجيەۆا قاشىقتان وقىتۋ، ۇبت-عا دايىندىق تۋرالى اقپارات بەردى.
- قالامىزدا ءۇش اۋىسىمدى مەكتەپتەر ءۇشىن 2020 جىلدىڭ قىركۇيەك ايىندا 7 جاڭا ءبىلىم ورداسى بەرىلگەلى وتىر. جۇرگىزىلگەن مانيتورينگ ناتيجەسىندە مەكتەپتەرگە دەگەن تاپشىلىق بارىسىندا 6 مىڭ قوسىمشا ورىن بەرىلەدى. بۇل - قالامىزدا جەكە مەنشىك مەكتەپ اشامىن دەگەن كاسىپكەرلەرىمىزگە وتە زور مۇمكىندىك بولماق. جەكە مەنشىك مەكتەپ اشامىن دەگەن كاسىپكەرلەرگە قارجىنى كوپ تالاپ ەتپەيتىن تەتىكتەر قاراستىرىلعان. ياعني، قالامىزدا بوس تۇرعان عيماراتتاردى جالعا الۋ ارقىلى، سانيتارلىق نورمالارىن ساقتاي وتىرىپ، مەكتەپتەر اشۋعا بولادى - دەدى شىمكەنت قالاسى ءبىلىم باسقارماسىنىڭ باسشىسى.
ج.تاجيەۆانىڭ مالىمدەۋىنشە، ءبىلىم جانە عىلىم مينيستىرلىگىنىڭ تاپسىرماسىنا سايكەس، بالاباقشالاردىڭ ساپاسىنا قاتىستى قىركۇيەك ايىنان باستاپ ليتسەنزيالاۋ تالاپتارى قاراستىرىلعان. بالا تاربيەسىنە سالعىرت قاراپ، كەيبىر سانيتارلىق تالاپتاردىڭ ساقتاماعان بالاباقشالار جابىلاتىن بولادى.
سونداي-اق بريفينگتە باسقارما باسشىسى ەلىمىزدە جاريالانعان توتەنشە جاعدايعا قاتىستى قالامىزداعى وقۋ ساباقتارى كەستەگە سايكەس ونلاين تۇرىندە جۇرگىزىلىپ جاتقاندىعىن بايانداپ، ءبىلىم ساپاسى باستى نازاردا ەكەندىگىن اتاپ ءوتتى.
شىمكەنت
