شىمكەنتتە تاعى ءبىر ناۋقاس كوروناۆيرۋستان جازىلىپ شىقتى. ساۋىعىپ شىققان 1994 جىلعى ازامات قالاداعى «سولتۇستىك باتىس» شاعىناۋدانىنىڭ تۇرعىنى.
دەرتىنەن ساۋىققان جىگىت 5 ءساۋىر كۇنى جۇقپالى اۋرۋلار اۋرۋحاناسىنا دەنە قىزۋىمەن تۇسكەن. ينفەكتسيا جۇقتىرعان 25 جاسار ازامات ۆيرۋسقا قارسى ەمدەۋ مەن سيمپتوماتيكالىق تەراپيانىڭ تولىق كۋرسىن الدى. ەم-دوم كەزىندە اسقىنۋلار بولعان جوق، دەيدى ماماندار.
ەمدەۋ تەراپياسىنان كەيىن ناۋقاستان اناليز سىنامالارى الىنىپ، تەرىس ناتيجە كورسەتكەننەن كەيىن 22 ءساۋىر كۇنى اۋرۋحانادان شىعارىلدى.
ايتا كەتەيىك، بۇگىنگە دەيىن قالاداعى جۇقپالى اۋرۋلار اۋرۋحاناسىنان كوروناۆيرۋس ينفەكتسياسىنا شالدىققان 17 ناۋقاس دەرتىنەن ايىعىپ شىقتى.
شىمكەنت
