اقش-تىڭ ميسسۋري شتاتىنىڭ باس پروكۋرورى قىتايدى سوتقا بەردى. ەريك شميتت بەيجىڭدى كوروناۆيرۋس ىندەتى تۋرالى اقپاراتتى جاسىردى، شتات تۇرعىندارىنا زيان كەلتىردى دەپ ايىپتايدى. بۇل تۋرالى Center Asian حابارلادى.
شاعىمدا كوروناۆيرۋستىڭ كەڭ تارالىپ كەتۋىنە قىتاي جاۋاپتى ەكەنى، ىندەتتىڭ الدىن الۋعا بولاتىنى ايتىلعان. شميتت قىتاي بيلىگى ەلىن تەز جابۋى كەرەك ەدى دەپ ەسەپتەيدى. ول سونىمەن بىرگە ۆيرۋستىڭ ادامنان ادامعا تەز جۇعاتىنى تۋرالى اقپاراتتى جاسىرىپ كەلدى دەپ ايىپتايدى.
قۇراما شتاتتاردا بۇدان بولەك قىتايعا قارسى بىرنەشە ارىز بەرىلگەن. ABC تەلەكانالىنىڭ حابارلاۋىنشا، نيۋ-يوركتىڭ ءۇش تۇرعىنى دۇنيەجۇزىلىك دەنساۋلىق ساقتاۋ ۇيىمىن (ددسۇ) سوتقا بەردى. ولار اتالعان ۇيىم بەيجىڭمەن پاندەمياعا بايلانىستى قۇپيا ءسوز بايلاسقان دەپ ەسەپتەيدى.
وسىعان دەيىن اقش پرەزيدەنتى دونالد ترامپ تا ددسۇ-نى ايىپتاپ، قارجىلاندىرۋدى ۋاقىتشا توقتاتتى. ترامپتىڭ پىكىرىنشە، ددسۇ قىتايعا سەنىپ، ىندەتتىڭ الدىن الۋىن توقتاتا الماي قالدى. ترامپ قىتايدىڭ COVID-19 ۆيرۋسىن جۇقتىرعانداردىڭ كورسەتكىشى تۋرالى مالىمەتىنە سەنبەيتىنىن بىرنەشە رەت ايتقان.
الەمدە COVID-19 ۆيرۋسىن جۇقتىرعاندار بويىنشا اقش ءبىرىنشى ورىندا تۇر – 820 مىڭ ادامنان ۆيرۋس انىقتالدى، 45 مىڭنان استام ادام كوز جۇمدى.
"ادىرنا" ۇلتتىق پورتالى
