شىمكەنتتەگى حالىقارالىق اۋەجاي اۋماعىندا سالىنىپ جاتقان جاڭا جولاۋشىلار تەرمينالىنىڭ قۇرىلىسى قارقىندى جۇرۋدە. بۇل جۇمىستار ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ شىمكەنت قالاسىن دامىتۋ جونىندەگى تاپسىرمالارى نەگىزىندە جۇزەگە اسۋدا.
بۇگىندە وتكىزۋ قابىلەتى ساعاتىنا 2000 جولاۋشىنى قۇرايتىن تەرمينالدىڭ قۇرىلىس-مونتاج جۇمىستارىنىڭ العاشقى كەزەڭى اياقتالدى.
ەكىنشى كەزەڭنىڭ قۇرىلىس جۇمىستارىن «اليانس كونتراكت قۇرىلىس» جشس جۇزەگە اسىرۋدا. قۇرىلىس جۇمىستارىنا 110 جۇمىسشى، 10-عا جۋىق ارنايى تەحنيكا تارتىلعان. بۇگىندە ەكىنشى كەزەڭ بويىنشا جۇمىستاردىڭ 43 پايىزى ورىندالدى. بۇدان بولەك، اقپاراتتىق جۇيەلەر مەن باگاج جابدىقتارىن جەتكىزۋ بويىنشا كەلىسىمشارت جاسالسا، جەدەلساتىلار مەن ەسكالاتورلاردى جەتكىزۋ بويىنشا كەلىسىم تۇزىلۋدە.
بولاشاقتا اۋە كەمەلەرىنە ارنالعان پەرروندى كەڭەيتۋ جوسپاردا بار. تەرمينالعا اپاراتىن جاڭا جول مەن ينجەنەرلىك قۇرىلىم مەن اباتتاندىرۋ جۇمىستارى دا بىرگە اياقتالادى، دەپ جوسپارلانعان.
جااپتىلاردىڭ ايتۋىنشا، تەرمينالدىڭ قۇرىلىسى بيىلعى جىلدىڭ سوڭىندا اياقتالماق.
شىمكەنت
