Shymkenttegi halyqaralyq áýejaı aýmaǵynda salynyp jatqan jańa jolaýshylar termınalynyń qurylysy qarqyndy júrýde. Bul jumystar Elbasy Nursultan Nazarbaev pen Memleket basshysy Qasym-Jomart Toqaevtyń Shymkent qalasyn damytý jónindegi tapsyrmalary negizinde júzege asýda.
Búginde ótkizý qabileti saǵatyna 2000 jolaýshyny quraıtyn termınaldyń qurylys-montaj jumystarynyń alǵashqy kezeńi aıaqtaldy.
Ekinshi kezeńniń qurylys jumystaryn «Alıans Kontrakt Qurylys» JShS júzege asyrýda. Qurylys jumystaryna 110 jumysshy, 10-ǵa jýyq arnaıy tehnıka tartylǵan. Búginde ekinshi kezeń boıynsha jumystardyń 43 paıyzy oryndaldy. Budan bólek, aqparattyq júıeler men bagaj jabdyqtaryn jetkizý boıynsha kelisimshart jasalsa, jedelsatylar men eskalatorlardy jetkizý boıynsha kelisim túzilýde.
Bolashaqta áýe kemelerine arnalǵan perrondy keńeıtý josparda bar. Termınalǵa aparatyn jańa jol men ınjenerlik qurylym men abattandyrý jumystary da birge aıaqtalady, dep josparlanǵan.
Jaaptylardyń aıtýynsha, termınaldyń qurylysy bıylǵy jyldyń sońynda aıaqtalmaq.
Shymkent
