كوروناۆيرۋستىق ينفەكتسياعا قارسى كۇرەس شارالارى بويىنشا شىمكەنت قالاسى اكىمىنىڭ ءبىرىنشى ورىنباسارى ەربول سادىردىڭ قاتىسۋىمەن ءباسپاسوز بريفينگى ءوتىپ، قالاداعى جاعداي ەگجەي-تەگجەيلى ايتىلدى.
شىمكەنت قالاسى بويىنشا كارانتيندىك ازاماتتاردى قابىلداۋ ءۇشىن جۇقپالى اۋرۋلار اۋرۋحاناسى جانە 2 پروۆيزورلىق ستاتسيونار جۇمىس ىستەيدى. بۇعان قوسا باسقا قالادان جانە شەتەلدەن كەلۋشى ازاماتتاردى ورنالاستىرۋ ءۇشىن №2 وڭالتۋ ورتالىعىنان جانە وڭتۇستىك قازاقستان پەداگوگيكالىق ۋنيۆەرسيتەتىنە قاراستى №4 جانە №5 جاتاقحانا بازاسىندا قوسىمشا 3 كارانتيندىك ستاتسيونار اشىلدى.
شىمكەنت قالاسى بويىنشا 21 ساۋىردە "COVID-19" ينفەكتسياسىنىڭ 11 جاعدايى تىركەلدى. ينفەكتسيا انىقتالعان 10 ازامات توتەنشە جاعداي دەپارتامەنتىنىڭ قىزمەتكەرلەرى. ولار الدىن ينفەكتسيا انىقتالعان تجد-دە جۇمىس ىستەيتىن 1977 جىلعى ازاماتپەن جاقىن قارىم-قاتىناستا بولۋىنا بايلانىستى، ستاتسيونارلىق كارانتينگە وقشاۋلانعان ەدى. بۇل ازاماتتار 1983 ج.، 1987ج.، 2 ازامات 1990 ج.، 1988 ج.، 1973 ج.، 1993 ج.، 1994 ج.، 1997 ج.، 1976 ج.، 1995 جىلعى. ولاردىڭ اراسىندا 9 ەر كىسى، 2-ەۋى ايەل.
سونداي-اق، كوراناۆيرۋس ينفەكتسياسى ماكەدونيا رەسپۋبليكاسىنان كەلگەن 1998 جىلى تۋعان ازاماتتان انىقتالدى. ناۋقاس جرۆي-مەن اۋىرىپ، جەدەل جاردەمگە شاعىمدانعان. كەيىن 103-قىزمەتىمەن ينفەكتسيالىق اۋرۋحاناعا جەتكىزىلگەن.
بۇل ناۋقاستاردا دياگنوستيكالىق زەرتتەۋ ناتيجەلەرى بويىنشا پتر-دياگنوستيكا ادىسىمەن «COVID-19» دياگنوزى ناقتىلاندى.
قازىرگى ۋاقىتتا ناۋقاستاردىڭ جاعدايى قاناعاتتانارلىق. بەكىتىلگەن حاتتاماعا سايكەس، ءتيىستى ەمدەۋ جۇرگىزىلەدى. ناۋقاستارمەن بايلانىستا بولعان ادامدار انىقتالىپ، مەديتسينالىق باقىلاۋعا الىندى. "COVID-19" اۋىراتىن ناۋقاستار تىركەلگەن وشاقتاردا دەزينفەكتسيالىق جۇمىستار جۇرگىزىلدى.
شىمكەنت قالاسىندا «COVID-19» بويىنشا 103 جاعداي تىركەلگەن. اۋىرعانداردىڭ جاس ساناتتارى بويىنشا 3 جاسقا دەيىنگى بالالار - 4 (3,8%), 3 جاستان 18 جاسقا دەيىنگى بالالار – 10 (9,7%), 18-55 جاس ارالىعىنداعىلار – 79 (75,7%), 55 جاستان اسقاندار – 10 (9,7%). ەرلەر - 47 (45,6%), ايەلدەر – 56 (54,4%), ونىڭ ىشىندە بالالار – 14 (13,5%). 103 وقيعا – 6 اكەلىنگەن (5,8%), 11 – جەرگىلىكتى (10,7%), 86 – بايلانىستاعى (83,5%).
بارلىعى 659 ادام كارانتيندىك جانە پروۆيزورلىق ستاتسيونارلارعا جاتقىزىلدى. ەپيدەميولوگيالىق ماۋسىمدا مونيتورينگتە بارلىعى 1592 ازامات بولدى، ونىڭ 646-سى باقىلاۋدان الىندى. قازىر مونيتورينگتە 946 ازامات باقىلاۋدا.
20 ءساۋىر كۇنى كوروناۆيرۋس ينفەكتسياسىنان 4 ازامات جازىلىپ، اۋرۋحاناادان شىعارىلدى. ونىڭ 3-ەۋى ءبىر وتباسىنىڭ مۇشەلەرى. ساۋىعىپ كەتكەندەر - 1972 جىلى، 1996 جىلى تۋعان ازاماتشا جانە قاۋىپتى ۆيرۋستى جۇقتىرعان ەكى ايلىق ءسابي دەرتىنەن ساۋىعىپ شىقتى.
سونداي-اق تۇركىستان وبلىسىنان 6 ءساۋىر كۇنى قالالىق جۇقپالى اۋرۋلار اۋرۋحاناسىنا 1972 جىلى تۋعان ازامات اۋىر حالدە قالالىق جۇقپالى اۋرۋلار اۋرۋحاناسىنا اۋىستىرىلعان ەدى. ءبىر اپتا بويى دارىگەرلەر رەانيماتسيا بولىمىندە بولعان ناۋقاستىڭ ءومىرى ءۇشىن كۇرەسىپ، وڭ ناتيجەگە قول جەتكىزدى. 20 ساۋىردە ناۋقاس ساۋىعىپ، ۇيىنە شىعارىلدى. بۇگىنگى تاڭدا بارلىعى 15 قالا تۇرعىنى كوروناۆيرۋستىق ينفەكتسيادان ەمدەلىپ، ۇيىنە شىعارىلدى.
اۋرۋحانادان شىعارىلعان پاتسيەنتتەردىڭ زەرتحانالىق زەرتتەۋلەرى تەرىس ناتيجە كورسەتتى، دەنساۋلىق جاعدايىنىڭ جاقسارعانى اتاپ وتۋگە بولادى. ولار مەديتسينالىق قىزمەتكەرلەردىڭ ۋاقىتىلى كومەك كورسەتۋىنىڭ ارقاسىندا ەمدەلدى.
جۇقپالى اۋرۋلار اۋرۋحاناسىندا ەمدەلىپ جاتقان 86 پاتسيەنتتىڭ جاعدايى تۇراقتى، ونىڭ ۇشەۋى جان ساقتاۋ بولىمىندە جاتىر، ءبىر ازامات جاساندى تانىس الۋ اپپاراتىنا قوسىلعان.
شىمكەنت قالاسى بويىنشا بارلىعى 57 وشاق تىركەلدى، 5 وشاقتان كارانتين الىندى (سامال-1, تايمانوۆ كوشەسى; تورەقۇلوۆ كوشەسى; ماقتالى كوشەسى، 8 ش / ا.جەلتوقسان 3ا ).
قالا بويىنشا بارلىق كىرۋ پۋنكتتەرىندە 17 بلوك-بەكەت قويىلعان. بلوك بەكەتتەردىڭ بارلىعىندا جەدەل جاردەم بريگاداسى، سونداي-اق مەديتسينالىق سانيتارلىق كومەك كورسەتەتىن ۇيىمدارىنىڭ ورتا مەديتسينا قىزمەتكەرلەرى (فەلدشەرلەر، مەدبيكەلەر) جۇمىس ىستەيدى.
بلوك-بەكەتتەردىڭ مەديتسينا قىزمەتكەرلەرى جەكە قورعانۋ قۇرالدارىمەن ء(ار اۋىسىمدى ەسكەرە وتىرىپ) جانە بايلانىسسىز تەرمومەترلەرمەن قامتاماسىز ەتىلگەن.
دەنساۋلىق ساقتاۋ باسقارماسىنىڭ جانىندا تاۋلىك بويى رەجيمدە COVID-19 بويىنشا قولايسىز ەلدەردەن كەلگەن ازاماتتاردى قوڭىراۋ شالۋ جانە مونيتورينگ جۇرگىزۋ ءۇشىن 15 ادامنان تۇراتىن مونيتورينگ توبى جۇمىس ىستەۋدە.
قر دسم مەن تاۋارلار مەن كورسەتىلەتىن قىزمەتتەردىڭ ساپاسىن باقىلاۋ كوميتەتىنەن تۇسكەن اقپارات قالانىڭ مەديتسينالىق ۇيىمدارى مەن قىزمەتتەرىنە جەدەل تۇردە بەرىلەدى. مونيتورينگتىك توپتىڭ جۇمىسى بارىسىندا قازاقستان رەسپۋبليكاسىنىڭ مەملەكەتتىك شەكاراسىن وتكىزۋ پۋنكتتەرى ارقىلى كەلگەن 1592 ازامات جانە الماتى، نۇر-سۇلتان قالالارىنان كەلگەن 6418 ازاماتقا قوڭىراۋ شالىندى. 112-ءى ازاماتقا ءىىد ارقىلى ىزدەۋ جاريالاندى. 2020 جىلدىڭ 11 ساۋىرىنەن باستاپ جۇمىس "COVID-19 باقىلاۋ ورتالىعى" ۆەب-قوسىمشاسى ارقىلى جۇزەگە اسۋدا.
شىمكەنت قالاسى دەنساۋلىق ساقتاۋ باسقارماسى جانىندا Call-ورتالىعى جۇمىس ىستەيدى. ورتالىقتىڭ تەلەفون ءنومىرى 39-33-47. Call-ورتالىعى 105 مەديتسينالىق ۇيىممەن بىرىڭعاي جۇيە ارقىلى جۇمىس ىستەيدى. ونىڭ ىشىندە 33 مەملەكەتتىك مەكەمە، 72-ءسى جەكە مەنشىك. 2020 جىلدىڭ قاڭتار ايىنان باستاپ ون ءبىرىنشى ساۋىرگە دەيىن Call-ورتالىققا كەلىپ تۇسكەن قوڭىراۋلار سانى - 5046, قابىلدانعان قوڭىراۋلار سانى – 3215 (ونىڭ ىشىندە شاعىمدار-268, وتىنىشتەر-2948).
شىمكەنت
