توتەنشە جاعداي ارەكەت ەتۋ كەزەڭىندە قر ساۋدا جانە ينتەگراتسيا مينيسترلىگى، قر اۋىل شارۋاشىلىعى مينيسترلىگى، قر ۇلتتىق ەكونوميكا مينيسترلىكتەرىنىڭ 2020 جىلعى 3 ساۋىردەگى "الەۋمەتتىك ماڭىزى بار ازىق-تۇلىك تاۋارلارىنا شەكتى بولشەك ساۋدا باعالارىن ەنگىزۋ تۋرالى" بىرلەسكەن بۇيرىعىمەن شىمكەنت قالاسى بويىنشا الەۋمەتتىك ماڭىزى بار ازىق-تۇلىك تاۋارلارىنا شەكتى بولشەك ساۋدا باعالارى بەكىتىلدى:
- I سۇرىپتى بيداي ۇنى – 166 تگ/كگ;
- ءى سۇرىپتى ۇننان جاسالعان بيداي نانى – 146 تگ/كگ (73 تگ. قالىپتى بولكە نان);
- روجكي (ولشەنىپ سالىناتىن) – 212 تگ/كگ;
- قاراقۇمىق جارماسى ء(دان، ولشەنىپ سالىناتىن) – 318 تگ/كگ;
- تازارتىلعان كۇرىش (دومالاق ءداندى، ولشەنىپ سالىناتىن) – 272 تگ/كگ;
- سيىر ەتى (سۇيەكتى جاۋىرىن-ءتوس بولىگى) – 1904 تگ/كگ;
- تاۋىق جۇمىرتقاسى (I ساناتتى), 10 داناسى – 305 تگ/كگ;
- كۇنباعىس مايى – 422 تگ/ل;
- اس تۇزى ("ەكسترا"- دان باسقا) – 51 تگ/كگ.
قالانىڭ ازىق-تۇلىك ساۋدا وبەكتىلەرى الەۋمەتتىك ماڭىزى بار ازىق-تۇلىك تاۋارلارىنا شەكتى بولشەك ساۋدا باعاسىنىڭ بەلگىلەنۋى تۋرالى حاباردار ەتىلدى.
"اكىمشىلىك قۇقىق بۇزۋشىلىق تۋرالى" قازاقستان رەسپۋبليكاسىنىڭ 2014 جىلعى 5 شىلدەدەگى №235-V كودەكسىنىڭ 202-بابىنا سايكەس ىشكى ساۋدا سۋبەكتىلەرى الەۋمەتتىك ماڭىزى بار ازىق-تۇلىك تاۋارلارىنا شەكتى بولشەك ساۋدا باعالارىن اسىرا پايدالانۋى 100 اەك مولشەرىندە ايىپپۇل سالۋعا اكەپ سوعادى.
اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاسالعان ءىس-ارەكەت 200 اەك مولشەرىندە ايىپپۇل سالۋعا اكەپ سوعادى.
ءتيىستى شارالاردى قابىلداۋ ءۇشىن شىمكەنت قالاسىنىڭ پروكۋراتۋراسى، مەملەكەتتىك كىرىستەر دەپارتامەنتى، ەكونوميكالىق تەرگەۋ دەپارتامەنتى، باسەكەلەستىكتى قورعاۋ جانە دامىتۋ كوميتەتىنىڭ دەپارتامەنتى، پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسى، كاسىپكەرلىك جانە يندۋستريالدى-يننوۆاتسيالىق دامۋ باسقارماسى، اۋدان اكىمدىكتەرىنىڭ قىزمەتكەرلەرىنەن تۇراتىن ءموبيلدى توپ قۇرىلدى.
كورسەتىلگەن الەۋمەتتىك ماڭىزى بار ازىق-تۇلىك تاۋارلارىنا شەكتى بولشەك ساۋدا باعالارىنىڭ اسىپ كەتۋ فاكتىلەرى انىقتالعان جاعدايدا Call-ورتالىققا: 39-50-55 نەمەسە WhatApp ارقىلى 8-778-136-18-47 (ساۋدا وبەكتىسىنىڭ ورنالاسقان جەرىن كورسەتە وتىرىپ) حابارلاۋ قاجەت.
دۇكەندەردەگى تاۋار اسسورتيمەنتىنىڭ كەمىندە ءبىر ءتۇرى بەلگىلەنگەن باعادان اسپاۋى ءتيىس.
شىمكەنت
