37 جاستاعى پوليتسيا مايورى باقتىباي بايبوريەۆ قازاقستاندا توتەنشە جاعداي جاريالانعالى شىمكەنت قالاسىندا تۇرعىنداردىڭ قاۋىپسىزدىگى ءۇشىن ايانباي قىزمەت ەتىپ، الدىڭعى قاتاردا ءجۇر.
ابدۋلاباد تۇرعىن الابىندا ورناتىلعان بلوك-بەكەتتە كۇندەلىكتى جۇمىس ىستەيتىن پوليتسەيدىڭ مىندەتى – جۇقپالى ىندەتتىڭ الدىن الۋ، ازاماتتار اراسىندا ءتۇسىندىرۋ جۇمىستارىن جۇرگىزۋ، رۇقسات بەرىلگەن كولىكتەر مەن ازاماتتاردى ءجىتى تەكسەرۋ.
سىن ساعاتتا ۋاقىتپەن ساناسپاي كۇشەيتىلگەن رەجيمدە جۇمىس ىستەپ جۇرگەن بارلىق مامانداردىڭ تۇپكى ماقساتى – قاۋىپسىزدىكتى ساقتاۋ ارقىلى جامان اۋرۋدىڭ تارالۋىنا جول بەرمەۋدى كوزدەيدى.
– شىمكەنتتە قانشاما قىزمەتتەر كوروناۆيرۋس ينفەكتسياسىنىڭ تارالۋىن توقتاتۋ مەن جويۋ باعىتىندا كەشەندى جۇمىستارعا جۇمىلدىرىلدى. بەكەتتەردە دارىگەرلەر ازاماتتاردىڭ دەنساۋلىعىن باقىلاسا، ءبىز كولىكتەر مەن جولاۋشىلاردىڭ رۇقسات قاعازىن تەكسەرەمىز. قالادا كوممۋنالدىق قىزمەتتەر دەزينفەكتسيا جۇرگىزۋدە، اۋرۋحانالار ىندەت جۇقتىرعان ناۋقاستاردى ەمدەۋدە. جالپى جۇمىس ىستەپ جۇرگەن بارلىق قىزمەتتەردىڭ تىندىرىمدى تىرلىگىنىڭ ارقاسىندا ىندەتتى توقتاتا الامىز دەگەن ويدامىن، دەدى باقتىباي ۇسەنۇلى.
تۇرعىندارداردان قوزعالىستى بارىنشا ازايتۋدى وتىنگەن ينسپەكتور حالىق دەنساۋلىعىنا ءاربىر قوعام مۇشەسى مۇددەلى ەكەندىگىن ايتىپ وتىر.
– تۇرعىندار بار جاۋاپكەرشىلىكتى بيلىكتىڭ موينىنا ارتپاي، كارانتين بەلگىلەگەن تالاپتاردى قاتاڭ ۇستانسا، كوشەگە شىعۋدى توقتاتسا، ءبىز ەپيدەميانى ەرتەرەك شەكتەي الامىز. ءدال قازىر بىزگە ۇقىپتىلىق، جاۋاپكەرشىلىك جانە تازالىق كەرەك، دەيدى پوليتسيا مويورى ب.بايبوريەۆ.
شىمكەنت
