پاندەميادان كەيىن ەكونوميكاسىن باسقالاردان تەزىرەك قالپىنا كەلەتىرگەن بەس مەملەكەت

2700
Adyrna.kz Telegram

پاندەميادان كەيىن ەكونوميكاسىن باسقالاردان تەزىرەك قالپىنا كەلەتىرگەن بەس مەملەكەت.

1) دانيا

پاندەميانىڭ باسىندا دانيا بيلىگى مەكتەپتەردى جانە ۇيىمداردىڭ كوپشىلىگىن جاۋىپ، الەۋمەتتىك قاشىقتىقتى جىلدام ەنگىزىپ، كورونوۆيرۋستىڭ تارالۋىنا قارسى جەدەل ءارى باتىل شارالار قابىلداي ءبىلدى.
دانيا ەلىندە ناۋرىز ايىنىڭ ورتاسىندا بارلىق شەتەل ازاماتتارى ءۇشىن ەلگە كىرۋگە تىيىم سالىنىپ، بۇل قادامدارى COVID-19 قارسى وڭ ناتيجەسىن بەردى. بۇل قابىلدانعان شەشىمدەردىڭ ءتيىمدى كورىنىس تابۋىنا، دانيا ەلىندەگى جەمقورلىقتىڭ تومەندىگى مەن حالقىنىڭ بيلىگىنە دەگەن سەنىمى بولىپ تابىلادى.

2) سينگاپۋر

سينگاپۋر كوروناۆيرۋستىڭ تارالۋىن تەجەۋ ءۇشىن قاجەتتى شارالاردى شاپشاڭ قابىلداپ، كارانتين شارتتارىن مۇقيات ساقتاپ، ناتيجەسىندە اۋرۋشاڭدىقتىڭ ءوسۋ قارقىنىن ۋشىقتىرماي باسا ءبىلدى. سينگاپۋر مەملەكەتى سىبايلاس جەمقورلىقتىڭ تومەندىگىمەن، ەكونوميكالىق تۇراقتىلىعىمەن، جاقسى ينفراقۇرىلىمى مەن ەرەكشەلەنەدى.

3) اقش

قازىرگى ۋاقىتتا امەريكا COVID-19-دان اۋىرعاندار مەن قايتىس بولعاندار سانى بويىنشا كوش باستاپ تۇر، الايدا ساراپشىلار جاقىن ارادا قۇراما شتاتتار وسى اپاتتى جەڭە الاتىنىنا سەنىمدى. اقش بيلىگى ەكونوميكانى تۇراقتاندىرۋ ءۇشىن بىرقاتار جەدەل شارالارىن قابىلدادى، ونىڭ ىشىندە دەرتپەن كۇرەس ءۇشىن $2 ترلن. قاراجات ءبولۋى، ەل ىشىنە تۇراقتىلىق اكەلىپ، حالقىنىڭ قالىپتى ومىرگە ورالۋعا كومەكتەسەدى دەپ كۇتىلۋدە. ساراپشىلاردىڭ پىكىرىنشە، اقش ەكونوميكاسى V-ءتارىزدى دامۋدى كۇتۋدە: الدىمەن – كۇرت قۇلدىراۋ، سودان كەيىن – 2020 جىلدىڭ ەكىنشى جارتىسىندا قايتا قالپىنا كەلۋى.

4) جاڭا زەلانديا

بۇل ەلدىڭ دە بيلىگى ناۋرىز ايىنىڭ سوڭىندا شەتەلدىكتەرگە شەكارانى جاۋىپ، بىرقاتار كاسىپ ورىنداردىڭ جۇمىسىن توقتاتىپ، پاندەمياعا قارسى جەدەل ارەكەت ەتتى. جاڭا زەلانديا ءۇشىن كورپوراتيۆتىك باسقارۋ مەن جابدىقتاۋدىڭ جوعارى دەڭگەيى ءتان. قيىندىقتار ەكسپورت كولەمىنىڭ تومەندەۋىمەن تۋريستىك اعىمنىڭ تومەندەۋىنەن تۋىنداۋى مۇمكىن، ويتكەنى بۇل سالالار – ەل ەكونوميكاسىنىڭ نەگىزگى قۇراۋىشتارى. ەكونوميستەردىڭ باعالاۋى بويىنشا، جاڭا زەلانديانىڭ ەكونوميكانى قالپىنا كەلتىرۋ مۇمكىندىگى وتە جوعارى. بۇعان مەملەكەتتىك قارىزدىڭ تومەن دەڭگەيى مەن ەڭ تومەنگى پايىزدىق مولشەرلەمەلەر ىقپال ەتەدى.

5) رۋاندا

پاندەميادان كەيىن ەكونوميكانى تەز قالپىنا كەلتىرۋگە قاتىستى كەنەتتەن جوعارى كورسەتكىشتەردى افريكا ەلدەرىنىڭ ءبىرى – رۋاندا كورسەتتى. ول وسىنداي ءولىم-جىتىمگە قارسى كۇرەس تاجىريبەسى بار ەلدىڭ ءبىرى بولىپ تابىلادى. رۋاندا بيلىگى 2019 جىلى ەبولا بەزگەگى تارالۋىنا توتەپ بەرىپ، اۋرۋىمەن جۇيەلى كۇرەسە بىلگەن. بالكىم، سودان بولار ساحارادان وڭتۇستىككە قاراي ورنالاسقان افريكالىق ەلدەر اراسىندا رۋاندا تولىق كارانتين ەنگىزۋدە العاشقىلاردىڭ ءبىرى بولدى. مۇندا جالپىعا بىردەي دەنساۋلىق ساقتاۋ جۇيەسى دامىعان. ساراپشىلار ەلدىڭ COVID-19 سالدارىن تەز جەڭەتىنىنە سەنىمدى.

دايىنداعان: بەكزات بولاتۇلى

اقپارات https://mobile.mt5.com/ru/photonews/12340 سايتىنان الىندى

پىكىرلەر