ءوز ءومىرىڭدى سۇرە ءبىل...

5731
Adyrna.kz Telegram

ومىرىمە ەڭ قاجەتتى كەڭەستى جاسى مەنەن الدەقايدا ۇلكەن سۋرەتشى ايەلدەن الدىم.  ول كەزدە مەنىڭ جاسىم جيىرمادان اسقان ەتىن، مەن وعان شىعارماشىلىقپەن اينالىسۋعا ۇلگەرمەيتىنىمدى ايتىپ شاعىمداندىم: ءۇش جۇمىسىم بار، ءومىرىم وتە كۇردەلى، بىرگە تۇراتىن كورشىلەرىم دە كوپ، جۇمىسىم باستان اسادى، ەشتەڭەگە الاڭداماي، تىنىش وتىرىپ شىعارماشىلىقپەن اينالىسقىم-اق كەلەدى، بىراق ەشقاشان ۋاقىت جەتپەيدى...

ول مەنى ءۇنسىز تىڭداپ بولىپ، سۇراق قويدى:

–  وزىڭ ارمانداعان-مىس ءومىردى ءسۇرۋ ءۇشىن، سەن نەدەن باس تارتۋعا دايىنسىڭ؟

مۇنداعى نازارىم تۇسكەنى «مىس» دەگەنى بولدى.

ىشكى جان دۇنيەم ورتەنىپ سالا بەردى. جەرگە كىرەردەي بولدىم. «ارمانداعان-مىس» دەگەنى قالاي؟ جازۋ ونەرى – مەنىڭ ءومىرىمنىڭ ءمانى ەكەندىگىن بارلىعى بىلەدى عوي.

«ەگەر بۇكىل ءومىرىڭ مۇلدەم باسقا جۇمىس پەن ماقساتقا تيەسىلى بولسا، جازۋ ونەرى –  مەنىڭ ومىرىمدەگى ەڭ ماڭىزدى دۇنيە» دەگەن كەيىپتى تانىتۋدىڭ قاجەتى قانشا؟، - دەدى ول.

تەرەڭ تىنىس الىپ ءۇن قاتا بەرگەنىم سول ەدى، ول بىردەن:

–   سەنىڭ ءۇش جۇمىسىڭ بار دەلىك. ال سۇيىكتى سەريالىڭ قانداي؟

–   كلaن سoپpaنو.

–  بۇگىننەن باستاپ تەلەديدار قاراۋدان باس تارتاسىڭ. كلان سوپرانونىڭ ءومىرىن قاداعالاۋعا ۋاقىتىڭ بار، ال ءوز ءومىرىڭدى سۇرۋگە ۋاقىت جوق پا؟

– ءۇنسىز قالدىم.

– دوستارىڭمەن قانداي كافەگە باراسىڭ؟ ونىڭ دا اتىن ۇمىت. سۇيىكتى جۋرنالىڭ قانداي؟ بولدى، سەن ەندى ونى دا وقىمايسىڭ.

ماعان ونىڭ ايتقان كەڭەسى ۇنايدى. ونىڭ ايتقاندارىندا «سەن ءوزىڭنىڭ قالاعانىڭنىڭ بارلىعىن دا الا الاسىڭ» دەگەن الدانىش سوزدەر جوق. الا المايسىڭ. كۇن سايىن سەنىڭ جاساپ جاتقانىڭ – سەنىڭ ءومىرىڭدى قۇرايدى. ەگەر سەنىڭ ارمانىڭنىڭ كۇندەلىكتى تىرشىلىگىڭدە ورنى بولماسا، وندا ارمانىڭنان دا ماڭىزدى نارسە بار بولعانى.

ءوزىڭدى ءتۇسىنۋدىڭ جالعىز جولى – ءوزىڭدى الداۋدى دوعارۋ.

ءبىر تاۋلىكتە جيىرما ءتورت ساعات بار. ال وسى ۋاقىتتا مەن ءۇشىن ماڭىزدى نە، ماڭىزدى ەمەس شە؟

تەك وسى سۇراققا شىنايى جاۋاپ بەرۋ ارقىلى عانا ۋاقىتىڭ مەن كۇشىڭدى جيناقتاي الاسىڭ. وزىڭمەن-ءوزىڭ بولۋ ءۇشىن...

 

ءماتىن ۆكونتاكتە پاراقشاسىنداعى توپتان الىندى،

اۆتورى بەلگىسىز

ورىس تىلىنەن اۋدارعان: جانسايا سمان

"ادىرنا" ۇلتتىق پورتالى

پىكىرلەر