شىمكەنت: جول ساپاسى باستى نازاردا!

2385
Adyrna.kz Telegram

قالا اۋماعىنداعى جول ماسەلەسى الداعى بىرنەشە جىلدا كەزەڭ-كەزەڭىمەن شەشىمىن تابادى. شىمكەنتتىڭ قۇرامىنا ەنگەن 41 ەلدى مەكەننىڭ دە ينفراقۇرىلىمى قايتا قارالادى. ميلليوندى قالاداعى جولدى جوندەۋ جۇمىستارىنا بيىل قازىنادان 25 ملرد. تەڭگەدەن استام قارجى بولىنگەن. بۇل قوماقتى قاراجات. ونى ۋاقىتىندا ءارى ماقساتتى يگەرۋىمىز قاجەت، دەدى شاھارداعى جول قۇرىلىسىمەن تانىسقان قالا اكىمى مۇرات ايتەنوۆ.
مەردىگەرلەر كومپانيالار مەن تەحنيكالىق قاداعالاۋشى ۇيىمداردىڭ وكىلدەرىمەن جۇزدەسكەن قالا باسشىسى جولدىڭ ساپاسىن قۇرىلىس بىتكەن سوڭ ەمەس كەمشىلىكتەردى الدىن-الا انىقتاپ، جويۋ كەرەكتىگىن ەسكەرتتى.
– بۇعان دەيىن جول سالىنىپ بولعان سوڭ بارىپ ساپاسى تەكسەرىلەتىن. قازىر قۇرىلىس ءجۇرىپ جاتقان كەزدە باقىلاۋعا مۇمكىندىك بار. ول ءۇشىن ارنايى جىلجىمالى زەرتحانالار جۇمىس ىستەۋدە. زاماناۋي قۇرىلعى ولقىلىقتى دەر كەزىندە انىقتاپ بەرەدى، دەيدى «جول اكتيۆتەر ساپاسى ورتالىعى» فيليالىنىڭ ديرەكتورى مۇحتار دۇيسەنبەكوۆ.
قالا اكىمى اتالعان ورتالىققا جول قۇرىلىسىنىڭ ساپاسىن قاتاۋ باقىلاۋعا الۋدى تاپسىردى.
شىمكەنتە جالپى اۆتوموبيل جولدارىنىڭ جالپى ۇزىندىعى 2 976,6 شاقىرىمدى قۇرايدى. ونىڭ 1 758 شاقىرىمىنا اسفالت توسەلگەن.
قالادا بيىل 417,6 شاقىرىم جولدا قۇرىلىس جانە جوندەۋ جۇمىستارى جۇرگىزىلۋدە. وعان بيۋدجەت ەسەبىنەن 25,6 ملرد.تەڭگە باعىتتالعان. ونىڭ 5,1 ملرد. قارجىسى رەسپۋبليكالىق، قالعان 20,5 ملرد. تەڭگەسى جەرگىلىكتى بيۋدجەتتەن قارالعان. بۇل قارجىعا 294 شاقىرىم جول مەن 6 كوپىر جانە 1 جولايرىق سالىنۋدا.
بۇگىندە قالالىق ماڭىزى بار ماگيسترالدى كوشەلەردىڭ 75,3 شاقىرىمىندا قۇرىلىس جۇمىستارى جۇرگىزىلۋدە. ونىڭ ىشىندە د.قوناەۆ داڭعىلى جالعاسىنىڭ قۇرىلىسى مەن اينالما جولىنىڭ قايتا قۇرۋ جۇمىستارى قامتىلعان. ءىرى جوبالار قالادان شىعاتىن بارلىق باعىتتاردى قامتىپ وتىر. اتاپ ايتقاندا تاشكەنت، تۇركىستان جانە الماتى باعىتتارىنا شىعاتىن جولدار جوندەلۋدە. وعان قوسا قالا جولدارىندا كولىك كەپتەلىستەرىن بولدىرماۋ ماقساتىندا، 4 جولايرىقتىڭ قۇرىلىسىن جۇرگىزۋ جوسپارلانۋدا.
«نۇرتاس» شاعىناۋدانىندا بيىل 18,8 شاقىرىمدى قۇرايتىن 11 كوشەنىڭ كۇردەلى جانە ورتاشا جوندەۋ جۇمىستارىنا 1,1 ملرد.، ال، «بوزارىقتاعى» 6 كوشەگە 230,8 ملن. تەڭگە قارجى قارالدى.
وبلىستىق ماڭىزى بار قح-82 اۆتوموبيل جولىنىڭ 18,1 شاقىرىمىنا كۇردەلى، 8 شاقىرىمى قايتا قۇرىلىمداۋدان ءوتىپ جاتىر. سايرام سۋ وزەنىنىڭ ۇستىنە سالىنىپ جاتقان كوپىر قىركۇيەكتە پايدالانۋعا بەرىلمەك.
«سايرام» شاعىناۋدانىندا 6 كوشەنى ورتاشا جوندەۋگە 164,8 ملن. قارالسا، «بازارقاقپاداعى» 3 كوشەنى ورتاشا جوندەلىپ جاتىر.
قالا اكىمى مۇرات ايتەنوۆ وسى اتالعان جول قۇرىلىسىنىڭ جۇمىسىمەن جەكە-جەكە تانىسىپ شىقتى. تۇرعىندارمەن جۇزدەسىپ كوپشىلىكتىڭ كوكەيىندە جۇرگەن ساۋالدارعا جاۋاپ بەردى.
شەتكى تۇرعىن الاپتاردىڭ اقساقالدارى قوعامدىق كولىك، جول، جارىق ماسەلەلەرى بويىنشا اتقارىلىپ جاتقان جۇمىستار ءۇشىن قالا اكىمىنە ريزالىعىن ءبىلدىرىپ، اق باتاسىن بەردى.

پىكىرلەر