تالاي جاستىڭ ارمانىنا اينالعان ۇلى ويشىل ءال-فارابي ەسىمىمەن ارداقتالعان قازاق ۇلتتىق ۋنيۆەرسيتەتى - ەلىمىزدەگى شوقتىعى بيىك جوعارى وقۋ ورىندارىنىڭ ءبىرى. بۇگىندە 86 جىلدىق سۇبەلى جەتىستىكتەردى باعىندىرىپ، تاريح تورىنەن ورىن العان وقۋ ورداسى سانالى تاربيە بەرىپ، ساپالى مامان دايىنداۋدا ەرەكشە قۇرمەتكە يە. تۇڭعىش ەلباسى ن.ءا.نازارباەۆ باسا ايتقانداي، ءال-فارابي اتىنداعى قازۇۋ "جاڭا قازاقستاننىڭ ءبىلىمى مەن عىلىمىنىڭ كوشباسشىسى" بولىپ تابىلادى. ءبىلىم مەن عىلىمنىڭ قارا شاڭىراعىنان قازاق ەلىنە ەرەن ەڭبەگى سىڭگەن تالاي الىپتاردى تاربيەلەپ شىقتى.قابىرعاسى وتكەن عاسىردا قالانعان ءبىلىم ورداسى ەلىمىزدىڭ ءبىلىمى مەن عىلىمىنىڭ، مادەنيەتى مەن وركەنيەتىنىڭ دامۋىنا وزىندىك ۇلەسىن قوسىپ كەلە جاتىر.ويتكەنى قارا شاڭىراقتىڭ قول استىنا جينالعان ءبىلىم الۋشىلار ءۇشىن جاعدايدىڭ بارلىعى تۇگەل دەرلىك جاسالعان. ەڭ باستىسى تالاي تۇلەكتەردى قياعا سامعاتقان ءو.جولداسبەكوۆ اتىنداعى ستۋدەنتتەر سارايى، تاريحى تەرەڭدە جاتقان مۇراجايى، بۇگىنگى زامان تالابىنا ساي جابدىقتالعان ينتەرنەت ورتالىعى، جاڭا عيماراتتاردىڭ قولدانىسقا بەرىلۋى - ونىڭ ءبارى بىلىمگە قۇمار بولاشاق ۇرپاق ءۇشىن.
وسىدان بەس جىل بۇرىن الماتى دەيتىن الىپ شاھارعا ارمان جۇگىن ارقالاي كەلىپ، ءبىلىم الۋ ماقساتىندا قازاق ۇلتتىق قىزدار پەداگوگيكالىق ۋنيۆەرسيتەتىنە وقۋعا قابىلداندىم. اتالعان قىزداردىڭ قارا شاڭىراعىندا بويىما ناعىز قازاق قىزىنا ءتان قاسيەتتەردى ءسىڭىردىم دەسەم ارتىق ايتقانىم ەمەس. ءبىلىم مەن تاربيەنى قاتار قوياتىن ءبىلىم ورداسىنان تۇلەپ ۇشىپ، بۇگىنگى كۇندە قازۇۋ-دىڭ ماگيسترى اتاندىم. كيەلى شاڭىراققا، وقۋ ورداسىنا قادام باسقاننان باستاپ بۇل وقۋ ورنى مەنىڭ عىلىمعا دەگەن قۇشتارلىعىمدى ودان ءارى وياتقانداي بولدى. ءوزىم ءبىلىم الىپ جاتقان فيلولوگيا جانە الەم تىلدەرى فاكۋلتەتى ەلىمىزگە بەلگىلى كورنەكتى تۇلعالار، ءتىل جاناشىرلارى مەن ادەبيەت مايتالماندارىن دايىنداپ شىعارعان.ەلىمىزدىڭ ارقا سۇيەر تۇلعالارىن ءبىلىم نارىمەن سۋسىنداتقان عالىم، پروفەسسورلاردان ءدارىس تىڭداۋ،بىزگە ايتار اقىلى مەن ءۇشىن ۇلكەن مارتەبە.قازىرگى تاڭدا ۋنيۆەرسيتەتىمىزدىڭ كورنەكتى عالىمدارى مەن عىلىمدى ۇيىمداستىرۋشىلارى، جاستارعا جول سىلتەۋشى پەداگوگتارى ءدارىس بەرۋ مەن تاربيە ۇيرەتۋ جولىندا ايانباي ەڭبەك ەتۋدە. وسى ورايدا وقىتۋشىلاردىڭ الدىندا تۇرعان باستى مىندەت-باسەكەگە قابىلەتتى، الەمدىك تالاپقا جاۋاپ بەرە الاتىن مامان دايارلاۋ.
بۇگىنگى ءبىلىم الۋشى جاس ۇرپاق - ەلىمىزدىڭ ەرتەڭى. تاۋەلسىز قازاقستاننىڭ ءبىلىمى مەن عىلىمىنىڭ وركەندەۋىنە ۇلەس قوسار ءاربىر ازامات ءۇشىن قازۇۋ ءاربىر تالاپكەرگە ساپالى ءبىلىم، سانالى تاربيە بەرۋمەن شەكتەلىپ قانا قويماي، ەلىمىزدىڭ كەز كەلگەن وقۋ ورداسىندا، شەت ەلدەردە ءبىلىمىن جەتىلدىرۋگە قايتالانباس مۇمكىندىكتەر بەرەدى. از عانا ۋاقىتتىڭ ىشىندە كيەلى قارا شاڭىراق ومىرىنە ەتەنە ارالاسىپ، جانىما جاقىن جاڭا دوستار تاۋىپ، الەمنىڭ ەڭ ۇزدىك ۋنيۆەرسيتەتتەرىنىڭ بىرىندە ءبىلىم الىپ جاتقانىما شىن جۇرەكتەن قۋانامىن.
قازۇۋ ماگيسترانتى مەيىركامال الۋا مەيىركامالقىزى
عىلىمي جەتەكشى: قازاق ءتىل ءبىلىمى كافەدراسىنىڭ دوتسەنتى يماناليەۆا ع.ق.
