Talaı jastyń armanyna aınalǵan uly oıshyl ál-Farabı esimimen ardaqtalǵan Qazaq Ulttyq Ýnıversıteti - elimizdegi shoqtyǵy bıik joǵary oqý oryndarynyń biri. Búginde 86 jyldyq súbeli jetistikterdi baǵyndyryp, tarıh tórinen oryn alǵan oqý ordasy sanaly tárbıe berip, sapaly maman daıyndaýda erekshe qurmetke ıe. Tuńǵysh Elbasy N.Á.Nazarbaev basa aıtqandaı, ál-Farabı atyndaǵy QazUÝ "Jańa Qazaqstannyń bilimi men ǵylymynyń kóshbasshysy" bolyp tabylady. Bilim men ǵylymnyń qara shańyraǵynan qazaq eline eren eńbegi sińgen talaı alyptardy tárbıelep shyqty.Qabyrǵasy ótken ǵasyrda qalanǵan bilim ordasy elimizdiń bilimi men ǵylymynyń, mádenıeti men órkenıetiniń damýyna ózindik úlesin qosyp kele jatyr.Óıtkeni qara shańyraqtyń qol astyna jınalǵan bilim alýshylar úshin jaǵdaıdyń barlyǵy túgel derlik jasalǵan. Eń bastysy talaı túlekterdi qııaǵa samǵatqan Ó.Joldasbekov atyndaǵy stýdentter saraıy, tarıhy tereńde jatqan murajaıy, búgingi zaman talabyna saı jabdyqtalǵan ınternet ortalyǵy, jańa ǵımarattardyń qoldanysqa berilýi - onyń bári bilimge qumar bolashaq urpaq úshin.
Osydan bes jyl buryn Almaty deıtin alyp shaharǵa arman júgin arqalaı kelip, bilim alý maqsatynda Qazaq Ulttyq qyzdar pedagogıkalyq ýnıversıtetine oqýǵa qabyldandym. Atalǵan qyzdardyń qara shańyraǵynda boıyma naǵyz qazaq qyzyna tán qasıetterdi sińirdim desem artyq aıtqanym emes. Bilim men tárbıeni qatar qoıatyn bilim ordasynan túlep ushyp, búgingi kúnde QazUÝ-dyń magıstri atandym. Kıeli shańyraqqa, oqý ordasyna qadam basqannan bastap bul oqý orny meniń ǵylymǵa degen qushtarlyǵymdy odan ári oıatqandaı boldy. Ózim bilim alyp jatqan Fılologııa jáne álem tilderi fakýlteti elimizge belgili kórnekti tulǵalar, til janashyrlary men ádebıet maıtalmandaryn daıyndap shyǵarǵan.Elimizdiń arqa súıer tulǵalaryn bilim nárimen sýsyndatqan ǵalym, professorlardan dáris tyńdaý,bizge aıtar aqyly men úshin úlken mártebe.Qazirgi tańda ýnıversıtetimizdiń kórnekti ǵalymdary men ǵylymdy uıymdastyrýshylary, jastarǵa jol silteýshi pedagogtary dáris berý men tárbıe úıretý jolynda aıanbaı eńbek etýde. Osy oraıda oqytýshylardyń aldynda turǵan basty mindet-básekege qabiletti, álemdik talapqa jaýap bere alatyn maman daıarlaý.
Búgingi bilim alýshy jas urpaq - elimizdiń erteńi. Táýelsiz Qazaqstannyń bilimi men ǵylymynyń órkendeýine úles qosar árbir azamat úshin QazUÝ árbir talapkerge sapaly bilim, sanaly tárbıe berýmen shektelip qana qoımaı, elimizdiń kez kelgen oqý ordasynda, shet elderde bilimin jetildirýge qaıtalanbas múmkindikter beredi. Az ǵana ýaqyttyń ishinde kıeli qara shańyraq ómirine etene aralasyp, janyma jaqyn jańa dostar taýyp, álemniń eń úzdik ýnıversıtetteriniń birinde bilim alyp jatqanyma shyn júrekten qýanamyn.
QazUÝ magıstranty Meıirkamal Alýa Meıirkamalqyzy
Ǵylymı jetekshi: Qazaq til bilimi kafedrasynyń doenti Imanalıeva Ǵ.Q.
