سۇمدىق!
جۇرەگىم قان جىلاپ تۇر.
ەندى ۇيىقتامايتىن شىعارمىن...
بقو، تاسقالا اۋدانى، بەلگىن اۋىلىنىڭ سىرتىندا جاڭا قازىلعان ءۇش تومپەشىك پايدا بولدى. ورتاسىندا اناسى، قوس جاعىندا ەكى قىزى. ۇشەۋىن دە ءوز كۇيەۋى، ءوز اكەلەرى تىرىدەي ورتەپ جىبەرگەن
بۇل تۋرالى Uralskweek.kz پورتالىنا جۋرناليست ل. احمەديار جازىپتى.
جىلدار بويى قاسكوي كۇيەۋىنەن تاياق جەپ كەلگەن ايەل. تالاي رەت فەرما جاققا اپارىپ جالاڭ باس، جالاڭ اياق ايەلىن كولىگىمەن قۋىپ، ەلەكتروشوكەرمەن كۇيدىرىپ، اتا-اناسى مەن قىزدارىنىڭ كوزىنشە ولەرمەن قىلىپ ساباعان ازامات - سەرىك حافيزوۆ (فوتودا).
وتباسىنىڭ بۇل جايىن ەكى جاقتىڭ قۇدالارى، اۋىل اكىمى، شارۋا قوجالىعى باسشىلارى، ۋچاسكەلىك پوليتسيا، اۋىلداستارى، دوستارى ءبارى بىلەدى. بىراق "ۇيات بولادى" بارىنەن جوعارى. بىلتىر مارقۇم جادىرانىڭ "ەندى كۇيەۋىمدى كەشىرمەيمىن، اجىراسامىن! ماعان ولىمنەن باسقانىڭ ءبارىن جاسادى" دەگەن جانايقايى دا ەلەۋسىز قالدى.
مىنە، سول ۇيات بولادىنىڭ سوڭى قايعىلى وقيعاعا اكەلدى.
جادىرانىڭ اپكەسىنىڭ ايتۋىنشا "سەرىك الدىمەن ايەلىن ورنىنان تۇرا الماستاي ءولىمشى قىلىپ ۇرىپ، سوسىن ءۇيدى اينالدىرىپ، بەنزين قۇيىپ (ەكى قىزىنىڭ ۇيدە ەكەنىن بىلە تۇرا) ورتەدى. اپتا بۇرىن ءۇش ادامنىڭ ءمايىتى ماڭگىلىك جەر قوينىنا تابىستالدى.
7 جاسار يناباتتىڭ داپتەردەگى سوڭعى جازباسى" سەگىزىنشى ءساۋىر. سىنىپ جۇمىسى. بۇگىن الابۇلتتى. اسپاندا كۇن جوق". قاندى وقيعا 8-نەن 9-نا قاراعان ءتۇنى ورىن الدى.
ءدال قازىر قوعامدىق ۇيىمداردى، ءىىم بەلگىلەپ اتۋ جازاسىن تالاپ ەتكەنىمەن ول بەكەر اۋرەشىلىك بولادى. بىزدە اتۋ جازاسى جوق. ەڭ اۋىر جازا 25 جىل. مەنىڭشە، مىناداي ادام كەيىپىندەگى قاسكويگە بۇل دا از.
ەسەسىنە، وسى وقيعادان كەيىن تۇرمىستىق زورلىق-زومبىلىقتى ەكەۋدىڭ ەرەگىسى دەپ قاراماي قىلمىس دەپ ساناۋعا تولىق نەگىز بار!!!
ەگەر وسى ويىما قوسىلساڭىزدار ءدال قازىر ونلاين پەتيتسيا ءجۇرىپ جاتىر، قول قويۋعا دايىنسىز با؟
تۇرمىستىق زورلىق-زومبىلىققا جول جوق⛔❌
👇👇👇
https://forms.gle/v4sLhwGemPN4uG9e6
گۇلميرا ابىقاي،
جۋرناليست
