الماتى. قازۇۋ...
اۋەل باستان 11-سىنىپ وقىپ جۇرگەن كەزىمنەن بەرى الماتىعا،وسى قازۇۋ – عا ءتۇسۋ مەنىڭ اۋزىمنان تۇسپەگەن، تىلەي بەرگەن ارمان – تىلەگىم ەدى. اقىرى اللا قولداپ، ەڭ اۋەلى اللانىڭ، ودان سوڭ اتا- انام مەن ۇستازدارىمنىڭ ارقاسىندا گرانتقا وقۋعا ءتۇستىم. الماتىعا، ءدال وسى قازۇۋ – عا تۇسەم دەپ كىم ويلاعان؟!
ەرەكشە سەزىم. ورىندالعان ارمان. ناعىز ستۋدەنتتىك ومىرگە قادام باسىپ، ارمان قۋىپ الماتىعا دا كەلدىك. العاش رەت ءوزىمنىڭ ارمانداپ تۇسكەن ۋنيۆەرسيتەتىمە كەلدىم. قۋانىشىمدا شەك جوق.
ءبىزدى جوعارعى كۋرستاعى اعا-اپكەلەرىمىز قۇشاق جايا قارسى الدى، وزدەرىنىڭ ەرەكشە توسىنسىيلارىمەن قۋانتتى. قولدارىنان كەلگەنشە ۇلكەن قولداۋ ءبىلدىرىپ تە جاتتى.
جاڭا ورتا، جاڭا تانىستىق بولدى. گرۋپپالاستارىممەن تانىسا كەلە، وتە جاقسى جاندار ەكەنىنە كوزىم جەتتى. كۋراتورىمىزبەن دە تانىستىق، سونداي جاقسى كىسى. ءتىپتى، بىزگە ساباق بەرەتىن ۇلكەن اعا-اپايلارىمىز دا ەرەكشە قۇرمەتكە لايىق كىسىلەر. ۋاقىت وتە كەلە بارىنە دە ۇيرەنىپ كەتتىك. ۋنيۆەرسيتەتتە تەك ءبىلىم الىپ قانا قويماي، قابىلەتىمىز بەن دارىنىمىزدى ودان ءارى شىڭداي تۇسەمىز. نەگە دەسەڭىز، بيىل ءبىزدىڭ قازۇۋ-دە عانا ەمەس، قازاقستاندا دا ەمەس، بۇكىل الەمگە ايگىلى ۇلى تۇلعالارىمىزدىڭ ايتۋلى مەرەيتويى اتالىنىپ ءوتتى جانە ءالى دە جالعاسىن تاۋىپ جاتىر.
اتاپ ايتساق، بيىل الەمگە ايگىلى، «اريستوتەلدەن كەيىنگى ەكىنشى ۇستاز» اتانعان عۇلاما عالىم – ءابۋ-ناسىر ءال-فارابي بابامىزعا 1150 جىل، ۇلى اقىنىمىز – اباي قۇنانباەۆقا 175 جىل تولىپ وتىر. Cوعان وراي ۋنيۆەرسيتەتىمىزدە جوعارى دەڭگەيدە ءتۇرلى مەرەكەلىك ءىس-شارالار، عىلىمي كونفەرەنتسيالار وتكىزىلدى. تاريح عىلىمدارىنىڭ كانديداتى، پروفەسسور قوزىباقوۆا ف.ا عىلىمي جەتەكشىلىگىمەن «دۇنيەنى، ادامزاتتى تانۋ ابايدان...» اتتى عىلىمي كونفەرەنتسياسى ءوتتى. كونفەرەنتسيا بارىسىندا قازاقتىڭ ويشىلى، ۇلى اقىنى – اباي قۇنانباەۆتىڭ ءومىرى، شىعارماشىلىعى تۋرالى، سونىمەن قوسا، اقىن جايلى تىڭ دەرەكتەردى زەرتتەپ ءبىلىپ، ول تۋرالى تولىق مالىمەتتەردى قامتاماسىز ەتە الدىق.
بۇگىنگى تاڭدا قۇرىلعانىنا 85 جىل تولىپ وتىرعان قازۇۋ كوپتەگەن جەتىستىكتەرگە جەتىپ، الەمنىڭ ۇزدىك ۋنيۆەرسيتەتتەرىنىڭ قاتارىنا ەندى. دامىعان وقۋ ورنىمىزدا ستۋدەنتتەر سارايى، جەكە وقۋ كورپۋستارى، زاماناۋي كىتاپحانا، جاتاقحانا جانە ستۋدەنتتەرگە قىزمەت كورسەتۋ ورتالىعى بار. وسى قازۇۋ- دىڭ، №17-ءشى جاتاقحاناداعى، سونداي-اق، كومەك ۇيىمىنىڭ جاناشىر جاندارىنىڭ ارقاسىندا قازىر تاتۋ-ءتاتتى تۇرىپ جاتىرمىز. كومەكتىڭ نەگىزگى ماقساتى – اينالاڭداعى كومەككە مۇقتاج جاندارعا قول ۇشىن بەرۋ. ون ەكى مۇشەڭ ساۋ بولىپ، كومەكتەسۋگە قاۋقارىڭ جەتىپ تۇرسا نەگە كومەكتەسپەسكە؟! ءبىر جاعىنان،مۇقتاج جانعا پايداڭدى كەلتىرسەڭ، بۇل دا ناعىز باقىت ەمەس پە؟! سوندىقتان دا مەن ستۋدەنتتەرگە جاقسىلىق جاساۋعا ات سالىسىڭىزدار دەگىم كەلەدى. ءبىر جاعىنان ساۋاپ بولسا، ءبىر جاعىنان ەلىمىزدىڭ دامۋىنا قوسىلاتىن ۇلكەن ۇلەس بولار ەدى دەپ ويلايمىن. اۋىرىپ جاتقان كىشكەنتاي سابيلەردى «ولار دا ءبىزدىڭ باۋىرىمىز، قارىنداسىمىز عوي» دەپ قولداۋ ءبىلدىرىپ، دەمەپ جىبەرۋ، ولاردى سىرقاتىنان ايىقتىرۋ دا ءبىزدىڭ قولىمىزدا. ءبىز، جاستار ەلىمىزدىڭ دامۋىنا تەك بىلىممەن عانا ەمەس، اق جۇرەكپەن دە اتسالىسۋىمىز كەرەك. ءبارى دە ءبارى جاستاردىڭ قولىندا !
اقبوتا قۋانىشباەۆا،
فيلولوگيا جانە الەم تىلدەرى فاكۋلتەتىنىڭ 1-كۋرس ستۋدەنتى
ف.ا.قوزىباقوۆا، عىلىمي جەتەكشىسى
ءال-فارابي اتىنداعى قازۇۋ
تاريح،ارحەولوگيا جانە ەتنولوگيا فاكۋلتەتى،
تاريح عىلىمدارىنىڭ كانديداتى،پروفەسسور;
