«Armandar oryndalatyn meken»

2480
Adyrna.kz Telegram

Almaty. QazUÝ...

      Áýel bastan 11-synyp oqyp júrgen kezimnen beri Almatyǵa,osy QazUÝ – ǵa túsý meniń aýzymnan túspegen, tileı bergen arman – tilegim edi. Aqyry Alla qoldap, eń áýeli Allanyń, odan soń ata- anam men ustazdarymnyń arqasynda grantqa oqýǵa tústim. Almatyǵa, dál osy QazUÝ – ǵa túsem dep kim oılaǵan?!

      Erekshe sezim. Oryndalǵan arman. Naǵyz stýdenttik ómirge qadam basyp, arman qýyp Almatyǵa da keldik. Alǵash ret ózimniń armandap túsken ýnıversıtetime keldim. Qýanyshymda shek joq.

    Bizdi joǵarǵy kýrstaǵy aǵa-ápkelerimiz qushaq jaıa qarsy aldy, ózderiniń erekshe tosynsyılarymen qýantty. Qoldarynan kelgenshe úlken qoldaý bildirip te jatty.

    Jańa orta, jańa tanystyq boldy. Grýppalastarymmen tanysa kele, óte jaqsy jandar ekenine kózim jetti. Kýratorymyzben de tanystyq, sondaı jaqsy kisi. Tipti, bizge sabaq beretin úlken aǵa-apaılarymyz da erekshe qurmetke laıyq kisiler. Ýaqyt óte kele bárine de úırenip kettik. Ýnıversıtette tek bilim alyp qana qoımaı, qabiletimiz ben darynymyzdy odan ári shyńdaı túsemiz. Nege deseńiz, bıyl bizdiń QazUÝ-de ǵana emes, Qazaqstanda da emes, búkil Álemge áıgili Uly tulǵalarymyzdyń aıtýly mereıtoıy atalynyp ótti jáne áli de jalǵasyn taýyp jatyr.

Atap aıtsaq, bıyl Álemge áıgili, «Arıstotelden keıingi ekinshi ustaz» atanǵan ǵulama ǵalym – Ábý-Nasyr ál-Farabı babamyzǵa 1150 jyl, Uly aqynymyz – Abaı Qunanbaevqa  175 jyl tolyp otyr. Coǵan oraı ýnıversıtetimizde joǵary deńgeıde túrli merekelik is-sharalar, ǵylymı konferenııalar ótkizildi. Tarıh ǵylymdarynyń kandıdaty, professor Qozybaqova F.A ǵylymı jetekshiligimen «Dúnıeni, adamzatty taný Abaıdan...» atty ǵylymı konferenııasy ótti. Konferenııa barysynda Qazaqtyń oıshyly, uly aqyny – Abaı Qunanbaevtyń ómiri, shyǵarmashylyǵy týraly, sonymen qosa, aqyn jaıly tyń derekterdi zerttep bilip, ol týraly tolyq málimetterdi qamtamasyz ete aldyq.

Búgingi tańda qurylǵanyna 85 jyl tolyp otyrǵan QazUÝ kóptegen jetistikterge jetip, álemniń úzdik ýnıversıtetteriniń qataryna endi. Damyǵan oqý ornymyzda Stýdentter saraıy, jeke oqý korpýstary, zamanaýı kitaphana, jataqhana jáne stýdentterge qyzmet kórsetý ortalyǵy bar. Osy QazUÝ- dyń, №17-shi jataqhanadaǵy, sondaı-aq, Kómek uıymynyń janashyr jandarynyń arqasynda qazir tatý-tátti turyp jatyrmyz. Kómektiń negizgi maqsaty – aınalańdaǵy kómekke muqtaj jandarǵa qol ushyn berý. On eki músheń saý bolyp, kómektesýge qaýqaryń jetip tursa nege kómektespeske?! Bir jaǵynan,muqtaj janǵa paıdańdy keltirseń, bul da naǵyz baqyt emes pe?! Sondyqtan da men stýdentterge jaqsylyq jasaýǵa at salysyńyzdar degim keledi. Bir jaǵynan saýap bolsa, bir jaǵynan elimizdiń damýyna qosylatyn úlken úles bolar edi dep oılaımyn. Aýyryp jatqan kishkentaı sábılerdi «olar da bizdiń baýyrymyz, qaryndasymyz ǵoı» dep qoldaý bildirip, demep jiberý, olardy syrqatynan aıyqtyrý da bizdiń qolymyzda. Biz, jastar elimizdiń damýyna tek bilimmen ǵana emes, aq júrekpen de atsalysýymyz kerek. Bári de bári jastardyń qolynda !

                                                                                                

                                                                                            Aqbota Qýanyshbaeva,

                              Fılologııa jáne Álem tilderi fakýltetiniń 1-kýrs stýdenti

                             

    F.A.Qozybaqova, ǵylymı jetekshisi

                                                                                  Ál-Farabı atyndaǵy QazUÝ

                                                     Tarıh,arheologııa jáne etnologııa fakýlteti,

                                                      Tarıh ǵylymdarynyń kandıdaty,professor;

  

   

Pikirler