الماتى. - الماتىداعى مەديتسينا قىزمەتكەرلەرى كوروناۆيرۋسپەن كۇرەسۋ ءۇشىن ۇستەمەاقى العاندىعى تۋرالى بەينەجازبا جاساۋعا ءماجبۇر بولدى، دەپ حابارلايدى "ادىرنا" قازتاگ-كە سىلتەمە جاساپ. ءىىم-ءنىڭ قالالىق دەنساۋلىق ساقتاۋ سالاسىندا جۇمىس ىستەيتىن اقپارات كوزى وسىنداي اقپارات جەتكىزىپتى.
«ءبىزدىڭ اۋرۋحانانىڭ كەيبىر قىزمەتكەرلەرىنە ولار كوروناۆيرۋسپەن كۇرەسۋ ءۇشىن قوسىمشا اقى العانىن مالىمدەي وتىرىپ،ۆيدەو روليك جاساتۋعا ماجبۇرلەپ وتىر، ال ولار قارجىنى ءتيىستى بارلىق ادامدارعا تولەمەگەن، ءتىپتى جارتىسىنا دا. ەڭ سوراقىسى، ولار ەندى بۇل اقشانى مامىردان باستاپ دەمالىستىڭ ەسەبىنەن ۇستاپ قالماق. ەڭ وكىنىشتىسى، ولاردىڭ بارلىعىنا بىردەي جانە تولىق كولەمدە تولەمەگەن، بارلىعى وتىرىك، جازاسىزدىق جانە ۇرلىق »، - دەدى مەديتسينا قىزمەتكەرى سارسەنبىدە اگەنتتىككە.
رەداكتوردىڭ ەسكەرتۋى: اگەنتتىكتىڭ سۇحباتتاسۋشىسى - كوروناۆيرۋستى ەمدەيتىن الماتىداعى مەديتسينالىق مەكەمەنىڭ مەديتسينا قىزمەتكەرى. دەرەككوزدىڭ جەكە باسىن تەك زاڭدا كورسەتىلگەن نەگىزدە عانا اشۋعا بولادى. دەنساۋلىق ساقتاۋ مينيسترلىگىنىڭ نەمەسە كەز-كەلگەن باسقا اتقارۋشى ورگاننىڭ تالابى جارامايدى.
ايتا كەتۋ كەرەك، 14 ساۋىردە دەنساۋلىق ساقتاۋ ءمينيسترى ەلجان ءبىرتانوۆ ءوزىنىڭ Facebook-تەگى پاراقشاسىندا قازاقستانداعى مەديتسينا قىزمەتكەرلەرىنە ۇزاق ۇندەۋ جاريالادى.
«سىزدەر ادامداردى اتاق ءۇشىن، اقشا ءۇشىن ەمدەمەيسىزدەر، ويتكەنى جۇمىستارىڭىز وسىنداي. باسقالاي بولۋ مۇمكىن ەمەس! مەن سىزدەردى ماقتان تۇتامىن! » دەگەن بولاتىن ءبىرتانوۆ.
بىراق مينيستر مىرزا قازاقستاننىڭ كوپتەگەن ايماقتارىنداعى مەديتسينا قىزمەتكەرلەرى نەگە جەكە قورعانۋ قۇرالدارىنسىز، ادام ەمدەۋگە مۇمكىن ەمەس جاعدايدا جۇمىس ىستەيتىنىن، نەگە ولاردىڭ كوپشىلىگى ۋادە ەتىلگەن قوسىمشا اقىلاردى الماعانىن تۇسىندىرمەدى. وسىنداي قيىن-قىستاۋ كەزەڭدە دەنساۋلىق ساقتاۋ مينيسترلىگىنە شۇعىل تۇردە 2,5 ميلليون دوللار جانە سالاۋاتتى ءومىر سالتىن ناسيحاتتاۋعا 65 ميلليون تەڭ استام قاراجات جۇمساۋ قاجەت بولدى.
سۋرەت قازتاگ-تان الىندى. قاراعاندىلىق دارىگەرلەردىڭ جاردەماقى تۋرالى ۆيدەوسىنان.
