كوروناۆيرۋس ىندەتىنىڭ كەڭ تارالۋىنا جول بەرمەۋ ماقساتىندا شىمكەنت قالاسىندا بارلىق ساقتىق شارالارى جاسالۋدا. ازاماتتاردىڭ ءومىرى مەن قاۋىپسىزدىگىن، دەنساۋلىعىن ساقتاۋ ءۇشىن 2020 جىلعى 4 ساۋىردەن باستاپ قالا اۋماعىندا كارانتين رەجيمى ەنگىزىلگەنى بەلگىلى. بۇل رەتتە قالا تۇرعىندارى كارانتين تالاپتارىن بۇلجىتپاي ورىنداۋى وتە ماڭىزدى. قازىرگى تاڭدا شىمكەنت قالاسىنىڭ كىرەبەرىستەرىندە 18 بلوك-بەكەت جۇمىس ىستەۋدە، شاھاردا زالالسىزداندىرۋ شارالارى كۇشەيتىلۋدە. سونداي-اق مەديتسينا ماماندارى توتەنشە جاعدايعا بايلانىستى كۇشەيتىلگەن رەجيمگە كوشكەن. وسى ورايدا، جاھاندىق ىندەتپەن كۇرەس جۇمىستارى اياسىندا شىمكەنت قالاسىندا 6-11 ءساۋىر ارالىعىندا اتقارىلعان جۇمىستارعا شولۋ جاساپ، نازارلارىڭىزعا ۇسىنامىز.
شىمكەنتتە covid-19 ۆيرۋسىن
جۇقتىرعاندارعا گوسپيتال سالىنۋدا
شىمكەنتتە covid-19 ۆيرۋسىن جۇقتىرعاندار ءۇشىن 200 ورىندىق گوسپيتالدىڭ قۇرىلىسى باستالدى. شىمكەنت قالاسىنىڭ اكىمى مۇرات ايتەنوۆ جاڭا اۋرۋحانانىڭ قۇرىلىسىمەن تانىستى. توتەنشە جاعداي كەزىندە ناۋقاستاردى قابىلدايتىن گوسپيتال تەز قۇراستىرىلاتىن ماتەريالداردان تۇرعىزىلادى. وعان قاجەتتى قۇرىلىس زاتتارى تولىقتاي وتاندىق. 400-گە جۋىق جۇمىسشى جەرگىلىكتى جەردەن تارتىلعان.
ارنايى اۋرۋحانا ستاتسيونار، جان ساقتاۋ سىندى بىرنەشە بولىكتەن تۇرادى. جانە وندا مەديتسينا قىزمەتكەرلەرى جاتىپ جۇمىس ىستەيتىن جاي سالىنىپ، وعان قاجەتتى ماماندار ىرىكتەلىپ الىنادى. بۇل رەتتە ۋاقىتشا اۋرۋحانانىڭ جابدىقتالۋى مەن سانيتارلىق-ەپيدەميولوگيالىق جاعدايى بەلگىلەنگەن نورماتيۆتەرگە تولىق ساي بولادى.
مۇنداعى بۇكىل ۇيىمداستىرۋ جۇمىستارىن شىمكەنت قالالىق جۇقپالى اۋرۋلار اۋرۋحاناسى ۇيلەستىرەتىن بولادى. اتالعان گوسپيتالدىڭ قالا اۋماعىندا قىزمەت ەتۋى ينفەكتسيالىق اۋرۋلاردىڭ الدىن الۋدى جاقسارتاتىن بولادى.
سونداي-اق شىمكەنت قالاسىنىڭ اكىمى مۇرات ايتەنوۆ قالالىق پەرزەنتحانادا ءجۇرىپ جاتقان كۇردەلى جوندەۋ جۇمىستارىمەن تانىستى. بۇگىندە مەديتسينالىق ۇيىمعا تيەسىلى 6 عيماراتتا كۇردەلى جوندەۋ جۇمىستارى قارقىندى جۇرۋدە. مەردىگەر كومپانيا ءساۋىردىڭ سوڭىندا العاشقى 3 كورپۋستىڭ قۇرىلىسىن ءبىتىرۋدى جانە 3 عيماراتتىڭ كۇردەلى جوندەۋىن كۇزگە دەيىن اياقتاۋدى جوسپارلاپ وتىر.
بيۋدجەتتەن 1,7 ملرد. تەڭگە قارجى قارالعان نىسانداعى جۇمىستارمەن تانىسقان قالا اكىمى قاناعاتتانارلىق دەپ باعا بەردى.
قازىرگى تاڭدا قالالىق پەرزەنتحانانىڭ ەسكى عيماراتىندا قاجەتتى ەم-دوم الۋدا. جوندەۋ جۇمىستارى اياقتالىسىمەن جاڭا بولىمگە كوشىرىلەدى. نىسان تولىقتاي سوڭعى ۇلگىدەگى مەديتسينالىق قوندىرعىلارمەن جابدىقتالىپ، زامان تالابىنا ساي جاڭعىرتىلىپ جاتىر. جوندەۋ جۇمىستارى اياقتالعاننان كەيىن مۇندا جىلىنا 10 مىڭ انانىڭ بوسانۋىنا مۇمكىندىك جاسالاتىن بولادى.
بانك قىزمەتتەردى
ونلاين-رەجيمگە كوشىردى
ەپيدەميالىق جاعدايعا وراي قابىلدانعان كارانتيندىك شارا كەزىندە حالىقتىڭ ءبىر جەرگە كوپ شوعىرلانباۋى وتە ماڭىزدى. وسى سانيتارلىق تالاپتاردى ورىنداۋ ماقساتىندا قالامىزداعى ەكىنشى دەڭگەيلى بىرنەشە بانك بۇكىل قىزمەتتەردى ونلاين-رەجيمگە كوشىردى.
بۇگىنگى تاڭدا مەملەكەت تاعايىنداعان 42500 تەڭگەنى الۋعا ءوتىنىش بەرۋ ءۇشىن بانكتەرگە بارۋدىڭ قاجەتى جوق. قىزمەتتەردىڭ بارلىعى ونلاين جۇيەسىندە كورسەتىلەدى. قازىر ۇيدە وتىرىپ شوت اشۋعا مۇمكىندىك قاراستىرىلعان. ءتىپتى شوت بۇعاتتالىپ قالسا دا جاردەماقىعا ارنايى شوت اشتىرۋعا بولادى. تسيفرلىق جۇيەنىڭ ارقاسىندا ەندى ءموبيلدى قوسىمشا ارقىلى بانكتىك كارتاعا ۇيدەن تاپسىرىس بەرىپ، ونى كەيىن كارانتين بىتكەن سوڭ بانكتىڭ كەز كەلگەن بولىمشەسىنەن بارىپ الۋعا مۇمكىندىك بار.
قازىرگى ۋاقىتتا قالاداعى ءتورت قارجى ينستيتۋتىنىڭ فيليالدارى «Kaspi bank»، «Home credit Bank»، «حالىق بانكى» جانە «بانك تسەنتر كرەديت» قىزمەتتەرىن تولىقتاي ونلاين جۇيەگە كوشىردى.
ايتا كەتەرلىگى، قالامىزداعى بازارلار مەن دۇكەندەر جانە ساۋدا ورىندارى تولەمدەردى پوست تەرمينالدار ارقىلى قابىلداۋدى باستادى. بۇل ءوز كەزەگىندە كوروناۆيرۋستىڭ تارالۋىنا توسقاۋىل بولماق. وعان قوسا كولەڭكەلى بيزنەسيتىڭ جولىن كەسەدى.
بانكتىك كارتاسى جوق ازاماتتار بانكتەرگە قوڭىراۋ شالۋ ارقىلى نەمەسە ونلاين تاپسىرىس بەرە الادى. دايىن كارتانى بانكتەر ۇيلەرىڭىزگە جەتكىزىپ بەرەدى. تولەم كارتاسىن قابىلدايتىن قۇرىلعى ورناتپاعان نىساندارعا اكىمشىلىك شارا قولدانىلماق.
كوروناۆيرۋس ينفەكتسياسىنىڭ الدىن الۋ ماقساتىندا شىمكەنتتەگى بانك بولىمشەلەرىندە ساقتىق شارالارى كۇشەيتىلگەن. وندا كليەنتتەردىڭ قاۋىپسىزدىگى ءۇشىر ءاربىر 1,5-2 مەتر سايىن ارنايى جولاقتار سىزىلعان. «حالىق بان»، «Kasرi bank»، «بانك حوۋم كرەديت» پەن «كازترانسگاز» اق تولەم كاسسالارىندا زالالسىزداندىرۋ جۇمىستارى جۇرگىزىلىپ، مەكەمە قىزمەتكەرلەرى ىندەتتەن ساقتانۋ جولدارىن كەلۋشىلەرگە تۇسىندىرۋدە.
توتەنشە جاعداي زارتاپتارى رەتكە كەلتىرىلدى
2020 جىلعى 9 ساۋىردە جاۋعان قاردىڭ سالدارىنان شىمكەنت قالاسى اۋماعىندا كوپتەگەن اعاشتار قۇلاپ، ەلەكتر جەلىلەرى ءۇزىلدى. 8 مىڭعا جۋىق ابونەنت ەلەكتر جارىعىنسىز قالدى.
توتەنشە جاعدايدىڭ زاردابىن جويۋعا قالاداعى كوممۋنالدىق قىزمەتتەر مەن توتەنشە جاعدايلار دەپارتامەنتىنىڭ 111 بىرلىك تەحنيكاسى مەن جەكە قۇرامنان 600 ادام، سونداي-اق «وڭتۇستىك جارىق ترانزيت» جشس-نىڭ 24 اپاتتى قالپىنا كەلتىرۋ بريگاداسى جۇمىلدىرىلدى.
اسكەري قىزمەتكە كەلۋشىلەردىڭ قاتارى ارتۋدا
مەملەكەت باسشىسى قاسىم-جومارت توقاەۆتىڭ اسكەري مىندەتتىلەردى ارنايى جيىنعا شاقىرۋ جونىندەگى ۇسىنىسىنا وراي، شىمكەنتتە ەل ءۇشىن تەر توگۋگە بەل بۋعان ازاماتتاردىڭ قاراسى ارتتى.
ەرىكتىلەر قالالىق اسكەري كوميسسيارياتقا بارىپ تىركەلىپ جاتىر. توتەنشە جاعداي كەزىندە شىمكەنت قالاسى اكىمدىگىنىڭ تاپسىرىسىمەن قالا بويىنشا ازىرگە 100-گە جۋىق ازاماتتى قابىلداۋ جوسپارلانعان. ولار زازالسىزداندىرۋ مەن بلوك-بەكەتتەردە پاترۋلدەۋ جۇمىستارىن اتقارادى. بۇل جولى 35 جاسقا دەيىنگى ازاماتتار تىركەۋگە الىنىپ جاتىر.
وقۋشىلاردىڭ 96,7%-ى ەلەكتروندى
قۇرىلعىلارمەن جابدىقتالعان
شىمكەنت قالاسىندا جالپى 213 ءبىلىم بەرۋ ۇيىمدارى تولىعىمەن قاشىقتان وقىتۋ فورماتىنا كوشتى. اعىمداعى جىلعى 6 ساۋىردەن باستاپ بارلىق مەكتەپ وقۋشىلارى ءىV توقساندى قاشىقتىقتان وقىتۋ فورماتىندا باستادى. قالادا جالپى 172 مەكتەپتە 222 037 وقۋشى ءبىلىم الۋدا.
ونىڭ ىشىندە ينكليۋزيۆتى ءبىلىم بەرىلەتىن وقۋشىلار سانى — 827. «WhatsApp» مەسسەنجەرى ارقىلى وڭالتۋ ساباقتارى 702 وقۋشىعا جۇرگىزىلۋدە، ول 86,5%-دى قۇرايدى. 125 وقۋشى دەنساۋلىعىنا بايلانىستى اتا-انالارىنىڭ وتىنىشتەرى نەگىزىندە ساباقتان بوساتىلعان.
وقۋشىلاردىڭ 96,7%-ى ەلەكتروندى قۇرىلعىلارمەن ياعني، كومپيۋتەر، سمارتفون، پلانشەت ت.ب جابدىقتالعان (214 613 وقۋشى), قالعان 3,3%-ى 7 424 وقۋشىنىڭ تەلەارنالار ارقىلى ءبىلىم الۋ مۇمكىندىگى بار.
بۇگىنگى تاڭدا مەكتەپ وقۋشىلارى تولىعىمەن قاشىقتىقتان ءبىلىم بەرۋ جۇيەسىمەن قامتىلدى. بارلىق 17 253 مۇعالىم ەلەكتروندى قۇرىلعىلار مەن ينتەرنەت جەلىسىمەن قامتاماسىز ەتىلگەن.
جوعارى وقۋ ورىندارى 4 تسيفرلىق ءبىلىم بەرۋ پلاتفورمالارى ارقىلى جۇمىس اتقارۋدا. ستۋدەنتتەر سانى – 106 723 (پراكتيكادا – 11 459, سىرتتاي – 22 333).
قالاداعى جالپى بالاباقشا سانى – 521, وندا 75 386 بالا تاربيەلەنۋدە. اعىمداعى جىلدىڭ 26 ناۋرىزىنان باستاپ بارلىق مەكتەپكە دەيىنگى ءبىلىم بەرۋ ۇيىمدارىنىڭ جۇمىستارى توقتاتىلدى.قالاداعى بارلىق بالاباقشالار قىزمەتىنىڭ ۋاقىتشا توقتاتىلعان مەرزىمىندە مەنشىك تۇرىنە قاراماستان بالاباقشا قىزمەتكەرلەرىنىڭ جالاقىلارى تولىق كولەمدە تولەنۋ تۋرالى شەشىم قابىلداندى.
سall ورتالىق 8707
قوڭىراۋعا جاۋاپ بەردى
توتەنشە جاعداي كەزىندە تۇرعىنداردىڭ ساۋالدارىنا تۇششىمدى جاۋاپ بەرۋ ماقساتىندا قالا باسشىلىعىنىڭ شەشىمىمەن ارنايى سall ورتالىق جۇمىسىن باستاعان بولاتىن.
39-50-55 نومىرىنە تىركەلگەن 9 تەلەفوندا كۇندەلىكتى وتىراتىن ماماندار 22 ناۋرىز بەن 9 ءساۋىر ارالىعىندا ازاماتتاردان تۇسكەن 8707 قوڭىراۋدى تىركەپ، ساۋالدارعا جاۋاپ بەردى.
ورتالىق قىزمەتىنە جۇرگىزىلگەن تالداۋ جۇمىستارى سوڭعى ءۇش كۇندە وسىنداعى مامانداردىڭ 2224 ساۋالعا جاۋاپ بەرگەنىن كورسەتىپ وتىر.
جالپى، بۇگىنگە دەيىن سall ورتالىققا الەۋمەتتىك كومەك جايلى 5454; تاسىمالداۋ بويىنشا 1553; كاسىپكەرلىك تۋرالى 722; بلوك-بەكەتتەر جايلى 378; كوممۋنالدىق پروبلەمالارمەن 223; كارانتين بويىنشا 128; بەتپەردەگە قاتىستى 87; ازىق-تۇلىكتىڭ باعاسى تۋرالى 86; دەزينفەكتسيالاۋ مەن قاشىقتان وقىتۋ جانە وزگە دە ماسەلەلەرمەن 76 قوڭىراۋ شالىنعان.
الەۋمەتتىك باعىتتاعى سۇراقتاردىڭ ارتۋىنا وراي، قالاداعى اۋدان اكىمدىكتەرىندە ارنايى ماماندار كەزەكشىلىگى ۇيىمداستىرىلىپ، ورتالىققا تۇسكەن قوڭىراۋلار باعىتتاۋ (پەرەادرەساتسيا) جۇيەسىنە قوسىلعان.
«Birgemiz» قورى شىمكەنتتىك
21864 وتباسىعا كومەك بەرۋدە
ەلىمىزدە قۇرىلعان «Birgemiz» قورىنان 11 مىڭ 997 شىمكەنتتىكتىڭ ەسەپشوتىنا 50 مىڭ تەڭگەدەن قارجى اۋدارىلدى.
«Nur Otan» پارتياسى شىمكەنت قالاسى فيليالىنىڭ مالىمەتىنشە، 15 ساۋىرگە دەيىن تىزىمگە ىلىنگەن 21 864 مۇقتاج وتباسىنىڭ بارلىعىنا كومەك كورسەتىلمەك.
ايتا كەتسەك، از قامتاماسىز ەتىلگەن تۇرعىنداردى قولداۋ ماقساتىندا قالالىق جۇمىسپەن قامتۋ جانە الەۋمەتتىك قورعاۋ باسقارماسى مەن اباي، ءال-فارابي، ەڭبەكشى، قاراتاۋ اۋداندارىنىڭ اكىمدىكتەرى كومەككە مۇقتاج وتباسىلاردىڭ تۇرمىس جاعدايىنا مونيتورينگ جۇرگىزىپ، اسا مۇقتاج وتباسىلاردى ىرىكتەپ، ارنايى تىزىمگە ەنگىزگەن.
40 مىڭ 586 ازامات
الەۋمەتتىك تولەمدى الدى
ەلىمىزدە كوروناۆيرۋس ىندەتىنە بايلانىستى جاريالانعان توتەنشە جاعداي سالدارىنان تابىسىنان ايىرىلعان شىمكەنت قالاسىنىڭ 40 586 تۇرعىنى 42 500 تەڭگە تولەمدى الدى.
مەملەكەتتىك كورپوراتسياعا (زتمو ەڭبەك مينيسترلىگى) شىمكەنت قالاسىنان 43 210 ءوتىنىش كەلىپ تۇسكەن. ونىڭ ىشىندە، بەلسەندى تاعايىنداۋ نىسانى ارقىلى 8 037 ازاماتتىڭ ءوتىنىشى تىكەلەي بىرىڭعاي بازاسىنا بجت ەلەكتروندى تولەۋشىلەر پورتالىنا كەلىپ تۇسكەن. الەۋمەتتىك تولەم 39 857 ازاماتقا تولەندى. بەلسەندى تاعايىنداۋ نىسانى ارقىلى — 8 037. جالپى مەملەكەتتىك جاردەماقىنى 40 586 ازامات الدى.
بلوك-بەكەتتەر بەينەباقىلاۋ
كامەرالارمەن قامتىلعان
شىمكەنت قالاسىنىڭ كىرەبەرىستەرىندە 18 بلوك-بەكەت جۇمىس ىستەپ تۇر. ولاردىڭ ارقايسىسى بەينەباقىلاۋ كامەرالارمەن قامتىلعان.
18 بلوك-بەكەتتە ارنايى اۆتوكولىك قۇرالدارىمەن جالپى 676 قىزمەتكەر جۇمىلدىرىلعان. ونىڭ ىشىندە 240 پوليتسيا قىزمەتكەرلەرى (18 ارنايى اۆتوكولىكتەر), 204 مەديتسينا قىزمەتكەرلەرى (18 جەدەل جاردەم كولىكتەر) جانە 232 قارۋلى كۇشتەر 3 اۋىسىمدا تاۋلىك بويى قىزمەت اتقارۋدا. ودان بولەك 18 پروكۋراتۋرا قىزمەتكەرلەرى جۇمىلدىرىلعان.
اتالعان بلوك-بەكەتتەردە توتەنشە جاعداي رەجيمىن بۇزۋ بويىنشا 23 جايت ورىن الىپ، قر اقبتك-ءنىڭ 476-بابىمەن (توتەنشە جاعداي رەجيمiن بۇزۋ) حاتتامالار تولتىرىلعان — ەسكەرتۋ جاساۋعا نەمەسە 10 ايلىق ەسەپتiك كورسەتكiش مولشەرiندە ايىپپۇل سالۋعا نە 15 تاۋلىككە دەيىن اكىمشىلىك قاماققا الۋعا اكەپ سوعادى. ولاردىڭ 1 جايتى بويىنشا تۇلعا اكىمشىلىك قاماۋعا الىنعان، قالعان ىستەر قارالۋ ساتىسىندا.
كوروناۆيرۋس ينفەكتسياسىنىڭ كەڭ تارالماۋىنا جانە قاۋىپتى ىندەتتىڭ الدىن الۋ ماقساتىندا شىمكەنت قالاسىندا 16 اۋماق وقشاۋلاندى. وندا 163 پوليتسيا قىزمەتكەرى جۇمىلدىرىلعان. مەديتسينا ماماندارى دا تاۋلىك بويى قىزمەت اتقارۋدا. وشاقتاردا ناۋقاستاردىڭ تۇرعىلىقتى جەرى بويىنشا دەزينفەكتسيا جۇرگىزىلىپ، ۇزدىكسىز ەپيدەمياعا قارسى ءىس-شارالار وتكىزىلۋدە.
1290 مەديتسينا قىزمەتكەرىنە
ۇستەماقى تولەندى
مەملەكەت باسشىسى قاسىم-جومارت توقاەۆ كوروناۆيرۋسپەن كۇرەسىپ جاتقان مەديتسينا قىزمەتكەرىنە كومەك كورسەتۋ تۋرالى تاپسىرما بەرگەن بولاتىن. وسىعان وراي، بۇگىنگى كۇنى شىمكەنت قالاسىندا 1290 مەديتسينا قىزمەتكەرىنە ۇستەماقى تولەندى.
وعان سايكەس، مەديتسينا قىزمەتكەرلەرى جۇمىسىنىڭ قاۋىپتىلىگىنە قاراي 3 توپقا بولىنگەن. ءبىرىنشى ساناتتاعى وتە قاۋىپتى جاعدايدا جۇمىس ىستەيتىن 24 قىزمەتكەرگە 8,7 ملن تەڭگە ءبولىندى. ەكىنشى ساناتتاعى قالىپتى جاعدايدا جۇمىس ىستەيتىن دارىگەرلەر مەن فەلدشەلەرگە، 845 مەديتسينا ماماندارىنا 258,3 ملن تەڭگە ءبولىندى. ءۇشىنشى دەڭگەيدەگى قاۋىپسىزدىك جاعدايىندا جۇمىس ىستەيتىن 421 مەديتسينا ۇيىمىنىڭ قىزمەتكەرىنە 51,3 ملن تەڭگە ءبولىندى.
ۇستەماقى العاندار رەانيماتسيا بولىمدەرىمەن قوسا العاندا، جۇقپالى اۋرۋلار ستاتسيونارلارىنىڭ دارىگەرلەرى، كارانتيندىك ايماقتاعى ورتا جانە كىشى مەديتسينا قىزمەتكەرلەرى. سونداي-اق پروۆيزورلىق ستاتسيونار مەن جەدەل جاردەم قىزمەتىنىڭ دارىگەرلەرى مەن جەدەل-جاردەم جۇرگىزۋشىلەرى.
شىمكەنت-لەنگىر تاس جولىنىڭ
بويىنداعى كوپىر اشىلدى
شىمكەنت قالاسىنداعى «سايرام-سۋ» وزەنىن كەسىپ وتەتىن كوپىردى قايتا قۇرۋ جۇمىستارى 2019 جىلى باستالعان. اياقتالۋ مەرزىمى وسى جىلدىڭ مامىر ايىنا جوسپارلانعان بولاتىن.
ەلىمىزدە ەنگىزىلگەن توتەنشە جاعدايعا قاراماستان مەردىگەر كومپانيا قايتا قۇرۋ جۇمىستارىن مەرزىمىنەن بۇرىن اياقتادى. كوپىر قۇرىلىسىن «كورپوراتسيا بەرەكە-ا» جشس-ءى جۇرگىزدى.
ايتا كەتسەك، 433,87 ملن تەڭگەگە جوبالانعان كوپىردىڭ قۇرىلىس جۇمىستارىنا وتكەن جىلى 200 ملن. تەڭگە بولىنگەن. بيىل قالعان بولىگى يگەرىلىپ، كوپىر ەل يگىلىگىنە بەرىلدى.
ەكى ناۋقاس كوروناۆيرۋستان
جازىلىپ شىقتى
شىمكەنتتە كوروناۆيرۋس جۇقتىرعان ەكى ناۋقاس اۋرۋحانادان جازىلىپ شىقتى. دەرتىنەن ايىققاندار — اناسى مەن بالاسى. بۇل تۋرالى قالا اكىمىنىڭ ءبىرىنشى ورىنباسارى ەربول سادىر ءباسپاسوز بريفينگىندە مالىمدەدى.
2020 جىلدىڭ 11 ءساۋىر كۇنگى جاعداي بويىنشا شىمكەنت قالاسىندا كوروناۆيرۋستىق ينفەكتسيانىڭ 33 جاعدايى تىركەلگەن.
قۋانىشتىسى سول، «تاۋەلسىزدىككە — 20 جىل» ءبىرىنشى وشاعىنان وسى 2 وتباسى مۇشەلەرىندە زەرتحانانىڭ سىنامالار تەرىس بولىپ، ولار ۇيگە شىعارىلدى. دارىگەرلەر پاتسيەنتتەردىڭ جاعدايى جاقسى ەكەنىن ايتادى.دەرتىنەن ايىققاندار 1970 جىلعى جانە 1996 جىلعى ءبىر وتباسىنىڭ مۇشەلەرى. ناقتىراق ايتقاندا، اناسى مەن بالاسى ال وتباسىنىڭ قالعان 3 مۇشەسى مەديتسينالىق قىزمەتكەرلەردىڭ باقىلاۋىمەن 14 كۇندىك كارانتين اياقتالعانعا دەيىن قالادى، سەبەبى ىنىسىنەن COVID-19 اۋرۋى 12 كۇنى انىقتالىپ، اكەسىمەن قارىنداسى جاقىن بايلانىستا بولعان.
دەزينفەكتسيالاۋ جۇمىستارى
قارقىندى جۇرگىزىلۋدە
بۇگىنگە دەيىن قالاداعى 4 اۋداندا زالالسىزداندىرۋ جۇمىستارى قارقىندى جۇرۋدە. شىمكەنتتە بۇل باعىتتاعى ءىس-شارالار كارانتين اياقتالعانشا جۇيەلى جالعاسادى.
دەزينفەكتسيالاۋ قالا كوشەلەرىندە، كوپقاباتتى ۇيلەردە، اۋلالاردا جانە جاياۋ جۇرگىنشىلەر جولدارى مەن ايالدامالار سىندى قوعامدىق ورىنداردا اتقارىلۋدا.
شىمكەنت قالاسىنداعى زالالسىزداندىرۋ جۇمىستارىنا 50 اۆتوكولىك پەن 600-گە جۋىق ادام جۇمىلدىرىلعان. سونداي-اق، 200-گە تارتا اسكەري قىزمەتكەر قامتىلعان.
تۇرمىسى تومەن 76 مىڭنان استام
ادامعا تەگىن بەتپەردە تاراتىلدى
شىمكەنتتە الەۋمەتتىك تۇرمىسى تومەن توپتاعى ازاماتتارعا جالپى سانى 76 255 بەتپەردە تەگىن تاراتىلدى.
ماسەلەن، «بەكجان» بازارى ماڭىنداعى «ماگنۋم» ءىرى ساۋدا دۇكەندەر جەلىسىندە اباي اۋدانى اكىمدىگى اتالمىش سۋپەرماركەتتەن اي سايىن ازىق-تۇلىك ەسەبىندە اتاۋلى الەۋمەتتىك كومەك الاتىن 3 مىڭداي وتباسىعا 32 مىڭ دانا بەتپەردەنى تەگىن تاراتتى. بۇل اكتسيا تىكەلەي مەملەكەتتىك بيۋدجەت قاراجاتىنا ۇيىمداستىرىلدى. اتالعان اكتسيا الداعى ۋاقىتتا دا جالعاسادى. بۇدان بولەك، بايدىبەك بي داڭعىلى بويىنداعى «Nauryz park» ساۋدا كەشەنىندە قاراتاۋ اۋدانى اكىمدىگى اتاۋلى الەۋمەتتىك كومەك الاتىن 5 400 وتباسىعا تەگىن 5 دانا بەتپەردەدەن ۇلەستىردى. اكتسيا اياسىندا 16 مىڭ دانا بەتپەردە تاراتىلدى.
ەڭبەكشى اۋداندىق اكىمدىگى دە اتالمىش اكتسياعا ۇلەس قوستى. «تەرىسكەي» شاعىناۋدانىنداعى «ماگنۋم» ءىرى ساۋدا دۇكەنىندە الەۋمەتتىك كومەك الۋشىلار تىزىمىندە تۇرعان 3114 تۇرمىسى تومەن وتباسىنىڭ ارقايسىسىنا بەس-بەسەۋدەن جالپى سانى 15 570 كوپ رەتتىك بەتپەردە تاراتتى.
سونداي-اق يگى شارا ءال-فارابي اۋدانى اكىمدىگى تاراپىنان دا ۇيىمداستىرىلدى. ەسكى قالا اۋماعىنداعى «ماگنۋم» ساۋدا كەشەنىندە وسى دۇكەننەن الەۋمەتتىك پاكەت رەتىندە اي سايىن ازىق-تۇلىك الاتىن 2537 جاعدايى تومەن وتباسىعا بەسەۋدەن تەگىن 12 685 بەتپەردە بەرىلدى. بۇل كوپ رەتتىك ماسكالار، سوندىقتان سابىنداپ جۋىپ، قايتا قولدانۋعا جارامدى.
ايتا كەتۋ كەرەك، شىمكەنتتەگى بۇل يگى ءىس ساقتىق شارالارى اياقتالعانعا دەيىن جالعاسا بەرمەك.
الەۋمەتتىك ازىق-تۇلىكتەر
بەلگىلەنگەن باعامەن ساتىلۋدا
ەلىمىزدە توتەنشە جاعداي جاريالانعان كۇننەن باستاپ قالا اكىمى مۇرات ايتەنوۆتىڭ تاپسىرماسىمەن ءبىرىنشى كەزەكتە ازىق-تۇلىك باعاسىن تۇراقتاندىرۋ ماسەلەسى ءجىتى باقىلاۋعا الىندى. بۇل ماقساتقا قاجەتتى قارجى ءبولىندى.
مەملەكەت بەكىتىپ بەرگەن الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتى ۇستاپ تۇرۋ ءۇشىن اكىمدىك پەن «Gramad Retail» جشس مەن كەلىسىم ءتۇزىلدى. قازىرگى تاڭدا اتالمىش سەرىكتەستىكتىڭ قويماسىندا ازىق-تۇلىك قورى جەتكىلىكتى. وعان قوسا تاۋارلاردىڭ كوتەرمە باعاسى تۇراقتى. كەلىسىم نەگىزىندە سەرىكتەستىك ءوزىنىڭ 2 سۋپەرماركەتىندە ازىق-تۇلىكتى بەلگىلەنگەن باعادا ساتىپ جاتىر.
ەندى «Gramad» سۋپەرماركەتىنە «Magnum» «فيركان» ساۋدا جەلىلەرى دە قوسىلدى. قازىر قالا اۋماعىندا بەكىتىلگەن باعامەن ازىق-تۇلىك ساتىپ جاتقان 21 ساۋدا جەلىسى بار. وعان قوسا «Gramad» سۋپەرماركەتى قالاداعى «الاش»، «جىبەك جولى»، «قاپلانبەك»، «اكبار» جانە «اينا» بازاردا ارنايى كولىكپەن جىلجىمالى ساتۋ نۇكتەلەرىن ۇيىمداستىرۋدا.
«Gramad»، «Magnum»، «فيركان» سۋپەرماركەتتەرىنىڭ 21 ساۋدا نۇكتەلەرى مەن بەس بازارداعى جىلجىمالى ورىنداردا الەۋمەتتىك ماڭىزى بار ازىق-تۇلىك تاۋارلارى بەلگىلەنگەن باعادا ساتىلۋدا.
