شىمكەنتتە كوروناۆيرۋس جۇقتىرعان ەكى ناۋقاس اۋرۋحانادان جازىلىپ شىقتى. دەرتىنەن ايىققاندار – اناسى مەن بالاسى. بۇل تۋرالى قالا اكىمىنىڭ ءبىرىنشى ورىنباسارى ەربول سادىر ءباسپاسوز بريفينگىندە مالىمدەدى.
2020 جىلدىڭ 11 ءساۋىر كۇنگى جاعداي بويىنشا شىمكەنت قالاسىندا كوروناۆيرۋستىق ينفەكتسيانىڭ 33 جاعدايى تىركەلگەن.
قۋانىشتىسى سول، «تاۋەلسىزدىككە – 20 جىل» ءبىرىنشى وشاعىنان وسى 2 وتباسى مۇشەلەرىندە زەرتحانانىڭ سىنامالار تەرىس بولىپ، ولار ۇيگە شىعارىلدى. دارىگەرلەر پاتسيەنتتەردىڭ جاعدايى جاقسى ەكەنىن ايتادى.دەرتىنەن ايىققاندار 1970 جىلعى جانە 1996 جىلعى ءبىر وتباسىنىڭ مۇشەلەرى. ناقتىراق ايتقاندا، اناسى مەن بالاسى.
ال وتباسىنىڭ قالعان 3 مۇشەسى مەديتسينالىق قىزمەتكەرلەردىڭ باقىلاۋىمەن 14 كۇندىك كارانتين اياقتالعانعا دەيىن قالادى، سەبەبى ىنىسىنەن COVID-19 اۋرۋى 12 كۇنى انىقتالىپ، اكەسىمەن قارىنداسى جاقىن بايلانىستا بولعان. قالعان پاتسيەنتتەردىڭ جاعدايى تۇراقتى، قولدانىستاعى حاتتامالارعا سايكەس ەمدەۋ جالعاسۋدا.
تۇركىستان وبلىسىنان قالالىق جۇقپالى اۋرۋلار اۋرۋحاناسىنا COVID19 اۋىرۋىنا شالدىققان اۋىر جاعدايدا 2 ناۋقاس اۋىستىرىلدى (48 جانە 60 جاس). ولاردىڭ جاعدايى قازىر تۇراقتى، ديناميكانىڭ جاقسارعانى بايقالادى.
شىمكەنت قالاسى توتەنشە جاعداي جونىندەگى شتابى
