2020 جىلعى قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىنان ۇمىتكەرلەرگە
كونكۋرس جاريالانادى
قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيا 2020 جىلعى قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىنا كونكۋرس جاريالايدى.
قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىنا (بۇدان ءارى – اباي اتىنداعى مەملەكەتتىك سىيلىق) ۇمىتكەرلەردى ۇسىنۋ ءتارتىبى «قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى جانە اباي اتىنداعى ادەبيەت پەن ونەر سالاسىنداعى مەملەكەتتىك سىيلىقتارى تۋرالى» قازاقستان رەسپۋبليكاسى پرەزيدەنتىنىڭ 2015 جىلعى 21 قاڭتارداعى № 993 جارلىعىمەن رەتتەلگەن.
اباي اتىنداعى مەملەكەتتىك سىيلىق قازاقستان رەسپۋبليكاسىنىڭ ازاماتتارىنا جانە شەتەلدىكتەرگە قازاقستان مادەنيەتىنىڭ دامۋىنا ەرەكشە باعالى ۇلەس دەپ تانىلعان ادەبيەت پەن ونەر سالاسىنداعى اسا ۇزدىك شىعارمالارى ءۇشىن بەرىلەدى.
اباي اتىنداعى مەملەكەتتىك سىيلىققا ۇسىنىلعان ۇجىمداعى ۇمىتكەرلەردىڭ سانى 5 ادامنان اسپاۋى ءتيىس، ىزدەنۋشىلەر ۇجىمىنا جۇمىستى ورىنداۋ پروتسەسىندە تەك اكىمشىلىك جانە/نەمەسە ۇيىمداستىرۋ فۋنكتسيالارىن جۇزەگە اسىرعان تۇلعالاردى قوسۋعا جول بەرىلمەيدى.
جۇمىس اباي اتىنداعى مەملەكەتتىك سىيلىققا ءبىر رەت قانا ۇسىنىلا الادى.
ءبىر اۆتور نەمەسە اۆتورلار ۇجىمى اباي اتىنداعى مەملەكەتتىك سىيلىققا قاتارىنان ەكى رەت ۇسىنىلا المايدى.
بۇرىن قازاقستان رەسپۋبليكاسىنىڭ سىيلىقتارىنا يە بولعان جۇمىستار اباي اتىنداعى مەملەكەتتىك سىيلىقتى الۋ كونكۋرسىنا جىبەرىلمەيدى.
اباي اتىنداعى مەملەكەتتىك سىيلىققا وسى سىيلىقتىڭ لاۋرەاتىنا جاڭا جەتىستىگى ءۇشىن قايتادان بەرىلۋى مۇمكىن، بىراق كورسەتىلگەن سىيلىق الدىڭعى بەرىلگەنىنەن كەيىن بەس جىلدان ەرتە بولمايدى.
تۇلعا اباي اتىنداعى مەملەكەتتىك سىيلىققا ۇسىنىلعاننان كەيىن قايتىس بولعان جاعدايدا، لاۋرەاتتىڭ ديپلومى، توسبەلگىسى مەن اقشالاي سىياقىسى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مۇرا بويىنشا بەرىلەدى.
جۇمىستاردى اباي اتىنداعى مەملەكەتتىك سىيلىق الۋعا ۇسىنۋدى مەملەكەتتىك ورگانداردىڭ القالارى، شىعارماشىلىق وداقتار مەن ۇجىمدار جۇرگىزەدى.
اباي اتىنداعى مەملەكەتتىك سىيلىققا جۇمىستاردى قابىلداۋ اياقتالعانعا دەيىن بەس جىلدان اسپايتىن ۋاقىتتا جانە كەمىندە ءبىر جىل بۇرىن (2020 جىلدىڭ 1 ناۋرىزىنا دەيىن) كوپشىلىك اينالىم ءۇشىن ورىندالعان ءبىر اۆتوردىڭ نەمەسە اۆتورلار ۇجىمىنىڭ جۇمىستارى ء(بىر جۇمىس) ۇسىنىلا الادى.
اباي اتىنداعى مەملەكەتتىك سىيلىققا وتىنىمدەردى قابىلداۋ 2020 جىلى قازاقستان رەسپۋبليكاسىنىڭ بارلىق اۋماعىندا توتەنشە جاعداي مەن كارانتين ەنگىزىلۋىنە بايلانىستى 2020 جىلدىڭ 1-30 ءساۋىرى ارالىعىندا ەلەكتروندىق فورماتتا ىسكە اسىرىلادى.
جۇمىستار (كىتاپتار، نوتالىق جازبالار، بەينەلەۋ ونەرى تۋىندىلارىنىڭ ونىمدەرى، ساۋلەت ونەرىنىڭ سحەما-سىزبالارى، عيماراتتاردىڭ، كەشەندەردىڭ ت.ب. فوتوسۋرەتتەرى، كينوفيلمدەر مەن سپەكتاكلدەردەن بەينەتاسپالار نەمەسە فوتوكورىنىستەر، كونتسەرتتىك قويىلىمدار مەن ورىنداۋشىلىق ونەردىڭ بەينە نەمەسە اۋديو-تاسپالارى) كارانتين اياقتالعان كۇننەن باستاپ 2020 جىلدىڭ 1 ماۋسىمىنا دەيىن قابىلدانادى.
اباي اتىنداعى مەملەكەتتىك سىيلىققا ۇمىتكەر اۆتورلار، ولاردىڭ كونكۋرسقا ۇسىنعان ەڭبەكتەرىنىڭ تىزىمدەرى جانە ۇمىتكەرلەردى ۇسىنىپ وتىرعان ۇيىمداردىڭ اتتارى اشىق جاريالىلىق تۇردە كەڭىنەن تالقىلانۋ ماقساتىندا رەسپۋبليكالىق بۇقارالىق اقپارات قۇرالدارىندا جاريالانادى.
2020 جىلعى اباي اتىنداعى مەملەكەتتىك سىيلىقتى بەرۋ جونىندەگى شەشىم ءباسپاسوز بەتتەرىندە جاريالانادى.
ۇسىنىلعان ەڭبەكتەردى تىركەۋ ءۇشىن مىنا قۇجاتتار قاجەت:
- مەملەكەتتىك ورگاننىڭ نەمەسە شىعارماشىلىق وداقتىڭ ۇسىنىسى.
- جينالىس حاتتاماسى.
- شىعارماشىلىق مىنەزدەمە.
- ۇمىتكەردىڭ جەكە ءىس قاعازى.
- 2 دانا سۋرەتى (3*4).
- ۇسىنىلعان ەڭبەكتىڭ 30 داناسى.
- تۇلعانى راستايتىن قۇجاتتىڭ كوشىرمەسى (جەكە كۋالىك نەمەسە تولقۇجات).
- شىعارمانىڭ اۆتورى جانە شىعارما جونىندە قىسقاشا ناقتى مالىمەت (مەملەكەتتىك جانە رەسمي (ورىس) تىلدەرىندە).
- ساۋلەت ونەرى تۋىندىلارى بويىنشا عيماراتتاردىڭ، كەشەندەردىڭ وندىرىسكە ەنگىزىلۋىن جانە اۆتورلىق قۇقىقتى راستايتىن قۇجاتتار قوسا تىركەلۋى ءتيىس.
6-شى پۋنكتكە بايلانىستى تۇسىنىكتەمە.
كىتاپتار، نوتالىق جازبالار، بەينەلەۋ ونەرى تۋىندىلارىنىڭ ونىمدەرى، ساۋلەت ونەرىنىڭ سحەما-سىزبالارى، عيماراتتاردىڭ، كەشەندەردىڭ ت.ب. فوتوسۋرەتتەرى، كينوفيلمدەر مەن سپەكتاكلدەردەن بەينەتاسپالار نەمەسە فوتوكورىنىستەر، كونتسەرتتىك قويىلىمدار مەن ورىنداۋشىلىق ونەردىڭ بەينە نەمەسە اۋديو-تاسپالارى 30 دانا ەتىپ ۇسىنىلادى.
اباي اتىنداعى مەملەكەتتىك سىيلىققا ۇسىنىلاتىن ەڭبەكتەر جانە ءتيىستى قۇجاتتار مىنا مەكەن-جايدا قابىلدانادى:
010000, نۇر-سۇلتان قالاسى، ماڭگىلىك ەل داڭعىلى، 8-ءۇي، «مينيسترلىكتەر ءۇيى» عيماراتى، 15-كىرەبەرىس، 263, 525-بولمەلەر، قازاقستان رەسپۋبليكاسى مادەنيەت جانە سپورت مينيسترلىگى، comcult_@mail.ru, تەل.: 8 (7172) 74-04-75.
