2020 jylǧy Qazaqstan Respublikasynyŋ Abai atyndaǧy ädebiet pen öner salasyndaǧy memlekettık syilyǧynan ümıtkerlerge
KONKURS JARİIаLANADY
Qazaqstan Respublikasynyŋ Abai atyndaǧy ädebiet pen öner salasyndaǧy memlekettık syilyǧyn beru jönındegı komissiia 2020 jylǧy Qazaqstan Respublikasynyŋ Abai atyndaǧy ädebiet pen öner salasyndaǧy memlekettık syilyǧyna konkurs jariialaidy.
Qazaqstan Respublikasynyŋ Abai atyndaǧy ädebiet pen öner salasyndaǧy memlekettık syilyǧyna (būdan ärı – Abai atyndaǧy memlekettık syilyq) ümıtkerlerdı ūsynu tärtıbı «Qazaqstan Respublikasynyŋ äl-Farabi atyndaǧy ǧylym men tehnika salasyndaǧy jäne Abai atyndaǧy ädebiet pen öner salasyndaǧy memlekettık syilyqtary turaly» Qazaqstan Respublikasy Prezidentınıŋ 2015 jylǧy 21 qaŋtardaǧy № 993 Jarlyǧymen rettelgen.
Abai atyndaǧy memlekettık syilyq Qazaqstan Respublikasynyŋ azamattaryna jäne şeteldıkterge Qazaqstan mädenietınıŋ damuyna erekşe baǧaly üles dep tanylǧan ädebiet pen öner salasyndaǧy asa üzdık şyǧarmalary üşın berıledı.
Abai atyndaǧy memlekettık syilyqqa ūsynylǧan ūjymdaǧy ümıtkerlerdıŋ sany 5 adamnan aspauy tiıs, ızdenuşıler ūjymyna jūmysty oryndau prosesınde tek äkımşılık jäne/nemese ūiymdastyru funksiialaryn jüzege asyrǧan tūlǧalardy qosuǧa jol berılmeidı.
Jūmys Abai atyndaǧy memlekettık syilyqqa bır ret qana ūsynyla alady.
Bır avtor nemese avtorlar ūjymy Abai atyndaǧy memlekettık syilyqqa qatarynan ekı ret ūsynyla almaidy.
Būryn Qazaqstan Respublikasynyŋ syilyqtaryna ie bolǧan jūmystar Abai atyndaǧy memlekettık syilyqty alu konkursyna jıberılmeidı.
Abai atyndaǧy memlekettık syilyqqa osy syilyqtyŋ laureatyna jaŋa jetıstıgı üşın qaitadan berıluı mümkın, bıraq körsetılgen syilyq aldyŋǧy berılgenınen keiın bes jyldan erte bolmaidy.
Tūlǧa Abai atyndaǧy memlekettık syilyqqa ūsynylǧannan keiın qaitys bolǧan jaǧdaida, laureattyŋ diplomy, tösbelgısı men aqşalai syiaqysy Qazaqstan Respublikasynyŋ zaŋnamasynda belgılengen tärtıppen mūra boiynşa berıledı.
Jūmystardy Abai atyndaǧy memlekettık syilyq aluǧa ūsynudy memlekettık organdardyŋ alqalary, şyǧarmaşylyq odaqtar men ūjymdar jürgızedı.
Abai atyndaǧy memlekettık syilyqqa jūmystardy qabyldau aiaqtalǧanǧa deiın bes jyldan aspaityn uaqytta jäne kemınde bır jyl būryn (2020 jyldyŋ 1 nauryzyna deiın) köpşılık ainalym üşın oryndalǧan bır avtordyŋ nemese avtorlar ūjymynyŋ jūmystary (bır jūmys) ūsynyla alady.
Abai atyndaǧy memlekettık syilyqqa ÖTINIMDERDI QABYLDAU 2020 jyly Qazaqstan Respublikasynyŋ barlyq aumaǧynda tötenşe jaǧdai men karantin engızıluıne bailanysty 2020 jyldyŋ 1-30 säuırı aralyǧynda elektrondyq formatta ıske asyrylady.
JŪMYSTAR (kıtaptar, notalyq jazbalar, beineleu önerı tuyndylarynyŋ önımderı, säulet önerınıŋ shema-syzbalary, ǧimarattardyŋ, keşenderdıŋ t.b. fotosuretterı, kinofilmder men spektaklderden beinetaspalar nemese fotokörınıster, konserttık qoiylymdar men oryndauşylyq önerdıŋ beine nemese audio-taspalary) karantin aiaqtalǧan künnen bastap 2020 jyldyŋ 1 mausymyna deiın qabyldanady.
Abai atyndaǧy memlekettık syilyqqa ümıtker avtorlar, olardyŋ konkursqa ūsynǧan eŋbekterınıŋ tızımderı jäne ümıtkerlerdı ūsynyp otyrǧan ūiymdardyŋ attary aşyq jariialylyq türde keŋınen talqylanu maqsatynda respublikalyq būqaralyq aqparat qūraldarynda jariialanady.
2020 jylǧy Abai atyndaǧy memlekettık syilyqty beru jönındegı şeşım baspasöz betterınde jariialanady.
Ūsynylǧan eŋbekterdı tırkeu üşın myna qūjattar qajet:
- Memlekettık organnyŋ nemese şyǧarmaşylyq odaqtyŋ ūsynysy.
- Jinalys hattamasy.
- Şyǧarmaşylyq mınezdeme.
- Ümıtkerdıŋ jeke ıs qaǧazy.
- 2 dana suretı (3*4).
- Ūsynylǧan eŋbektıŋ 30 danasy.
- Tūlǧany rastaityn qūjattyŋ köşırmesı (jeke kuälık nemese tölqūjat).
- Şyǧarmanyŋ avtory jäne şyǧarma jönınde qysqaşa naqty mälımet (memlekettık jäne resmi (orys) tılderınde).
- Säulet önerı tuyndylary boiynşa ǧimarattardyŋ, keşenderdıŋ öndırıske engızıluın jäne avtorlyq qūqyqty rastaityn qūjattar qosa tırkeluı tiıs.
Ūqsas jaŋalyqtar
