نۇر-سۇلتاندا «ءحالىڭ قالاي، تۇلەك؟» بايقاۋى مەن اشىق ەسىك كۇنى ءوتتى

2043
Adyrna.kz Telegram

«نۇر-سۇلتان قالاسىنىڭ جاستار ساياساتى ماسەلەلەرى باسقارماسى» مم قولداۋىمەن،حالىقارالىق «قازاق ءتىلى» قوعامى نۇر-سۇلتان قالاسى فيليالىنىڭ ۇيىمداستىرۋىمەن «ينتەرناتتان كەيىنگى جەتىم بالالار مەن اتا-اناسىنىڭ قامقورلىعىنسىز قالعان بالالاردى بەيىمدەۋ جانە قولداۋعا ارنالعان ءىس-شارالار كەشەنى» جوباسى اياسىندا، «ءحالىڭ قالاي، تۇلەك؟» بايقاۋى اياسىندا اشىق كۇنى ءوتتى.

قاي كەزدە دە بالالار ءۇيىنىڭ، ينتەرنات تۇلەكتەرىنىڭ قوعامعا تەز بەيىمدەلىپ كەتۋى - كۇردەلى ماسەلە. سول ءۇشىن قوعامنىڭ كۇن سايىن وزگەرەتىن شارتتارىنا بالالار ءۇيى تۇلەكتەرىنىڭ الەۋمەتتىك بەيىمدەلگەندىگىن زەردەلەۋ، تالداۋلار جاساۋ - بۇگىنگى جۇرگىزىلىپ وتىرعان بەيىمدەۋ ادىستەرىنىڭ ومىرشەڭ ەكەندىگىن نە تيىمسىزدىگىن كورسەتەتىن باستى نەگىز بولىپ تابىلادى. وسى ورايدا، «ءحالىڭ قالاي، تۇلەك؟» اتتى بايقاۋدىڭ ماقساتى –  بالالار ءۇيىنىڭ تۇلەكتەرىن ىزدەۋ، بايلانىس ورناتۋ ارقىلى ولاردىڭ قوعامعا، مەملەكەتكە قاجەت ەكەندىگىن ۇعىندىرۋ،ينتەرناتتان كەيىنگى، بالالار ءۇيىنىڭ تۇلەكتەرىنىڭ الەۋمەتتىك حال-جاعدايىنا ساراپتاما جاساۋ. بۇگىنگى تاڭداعى جاعدايىن تالداۋ ارقىلى قاجەتتىلىكتەرىن، مۇڭ-مۇقتاجىن ءبىلۋ، بالالار ءۇيى تۇلەكتەرىنە قولداۋ كورسەتۋ.

بالالار ءۇيى تۇلەكتەرىنىڭ وزەكتى ماسەلەلەرىنە قوعامنىڭ نازارىن اۋدارتۋ;

بالالار ءۇيى تۇلەكتەرىمەن تىعىز قارىم-قاتىناس ورناتۋعا باعىتتالعان ءىس-شارالاردى  قولداۋ، ىنتالاندىرۋ;

بالالار ءۇيى تۇلەكتەرىمەن بايلانىس جاساۋ ءداستۇرىن ۇنەمى دامىتىپ وتىرۋ;

بالالار ءۇيى تۇلەكتەرىمەن قارىم-قاتىناس ورناتۋ الەۋمەتتىك تاجىريبەسىن قالىپتاستىرۋ.

بايقاۋعا قاتىسۋشىلار نۇر-سۇلتان قالاسى اكىمدىگىنىڭ "كاسىپتىك-تەحنيكالىق كوللەدجى" كمم, نۇر-سۇلتان قالاسى اكىمدىگىنىڭ «ومىرلىك قيىن جاعدايدا جۇرگەن بالالاردى قولداۋ ورتالىعى» كمم، «SOS استانا بالالار اۋىلى» جەكە ءبىلىم بەرۋ مەكەمەسى.

بايقاۋ كوميسسياسى ءىس-شارانىڭ ۇيىمداستىرۋشىسى حالىقارالىق «قازاق ءتىلى» قوعامىنىڭ نۇر-سۇلتان قالاسى فيليالىمەن بەكىتىلگەن.

ءى-كەزەڭ. 2021 جىلدىڭ 17 قىركۇيەگىمەن 10 قازانى ارالىعىندا اتالعان بايقاۋعا قاتىسۋشى مەكەمەلەر 2011-2021 جىلدار ارالىعىندا وزدەرىنىڭ قابىرعالارىنان تۇلەك بولىپ شىققان ازاماتتار مەن ازاماتشالاردى تاۋىپ، بايلانىس ورناتىپ، تۇلەكتەردىڭ الەۋمەتتىك پورترەتىن انىقتاۋعا ارنالعان ساۋالناما جۇرگىزۋلەرى قاجەت. الىنعان  ساۋالناما  بايقاۋدىڭ ەكىنشى كەزەڭىندە بايقاۋ كوميسسياسىنا تابىستالادى.

ءىى-كەزەڭ. 2021 جىلدىڭ 11 قازانى مەن 14 قازانى ارالىعىندا بايقاۋعا قاتىسۋشى مەكەمەلەر بالالار ءۇيى تۇلەكتەرى ىشىندەگى كوشباسشىلارىن قاتىستىرا وتىرىپ، اشىق ەسىك كۇنىن وتكىزۋلەرى كەرەك.اشىق ەسىك كۇنىنە بايقاۋ كوميسسياسىن شاقىرۋ مىندەتتى بولىپ تابىلادى.

ءىىى-كەزەڭ.2021 جىلدىڭ 15 قازانى مەن 17 قازانى ارالىعى.

  • بايقاۋ كوميسسياسىنىڭ جۇمىسى;
  • بايقاۋ قورىتىندىسىن جاريالاۋ;
  • جەڭىمپازداردى ماراپاتتاۋ.

بايقاۋ قاتىسۋشىلارى بايقاۋدىڭ بارلىق كەزەڭدەرىندە كەڭەستىك قولداۋ الاالادى.

«اشىق ەسىك كۇنىن» باعالاۋ كريتەريلەرى:

  • مەكەمەلەردىڭ بايلانىس ورناتا العان تۇلەكتەرىنىڭ سانى (الىنعان ساۋالناما ناتيجەلەرىنە ساي ەسەپتەلدى);
  • وتكىزىلگەن اشىق ەسىك كۇنى ءىس-شاراسىنىڭ مازمۇندىلىعى (بالالار ءۇيىنىڭ تۇلەكتەرىمەن كەزدەسۋگە ارنالعان ءىس-شارانىڭ جوعارى دەڭگەيدە ۇيىمداستىرىلۋى، تۇلەكتەرمەن جىلى قارىم-قاتىناس ورناتا الۋى، جوبا اياسىندا «اشىق ەسىك كۇنىنە» بايقاۋ كوميسسياسى رەتىندە كاسىپكەرلەر، مەتسەناتتار قاتىساتىندىقتان، تۇلەكتەردىڭ مۇقتاجدىقتارىنا، حال-احۋالىنا نازار اۋدارتۋ).
پىكىرلەر