شىمكەنتتە ناۋقاستاردىڭ تۇرعىلىقتى جەرى بويىنشا دەزينفەكتسيا جۇرگىزىلىپ، كارانتينگە جابىلدى

2354
Adyrna.kz Telegram

شىمكەنت قالاسىندا 8 ساۋىردە – 3, 9 ساۋىردە – 4 جاعداي تىركەلدى.

بۇل ناۋقاستاردىڭ بارلىعى ۆيرۋس انىقتالعان 48 جاسار ازاماتشا مەن 26 جاسار ازاماتتىڭ تىعىز بايلانىستا بولعاندار.

اتالعان ناۋقاستار ستاتسيونارلىق كارانتيندە مەديتسينالىق قىزمەتكەرلەردىڭ باقىلاۋىندا بولعان. ينفەكتسيانى انىقتاۋ بويىنشا جۇرگىزىلگەن زەرتحانالىق تەكسەرۋدەن COVID-19 سىناماسى وڭ ناتيجە كورسەتتى. ناۋقاستاردىڭ جاعدايلارى قاناعاتتانارلىق، بارلىعىنا بەكىتىلگەن حاتتامالارعا سايكەس قاجەتتى ەم جۇرگىزىلۋدە.

اۋرۋعا شالدىققاندار اراسىندا: 2 جانە 14 جاستاعى 2 بالا مەن 23-55 جاس ارالىعىنداعى 5 ادام بار. وسى ازاماتتارمەن بايلانىستا بولعان 81 ادام وقشاۋلانىپ، مەديتسينالىق باقىلاۋعا الىندى.

وشاقتاردا ناۋقاستاردىڭ تۇرعىلىقتى جەرى بويىنشا دەزينفەكتسيا جۇرگىزىلىپ، كارانتينگە جابىلدى.

شىمكەنت قالاسى بويىنشا قوسىمشا 3 وشاق تىركەلدى. ولار: «سولتۇستىك-باتىس» شاعىناۋدانىنداعى ۇشقيان كوشەسى، «قايتپاس-1» شاعىناۋدانىنداعى التاي كوشەسى جانە سايرام تۇرعىن الابىنداعى ءال-فارابي كوشەسى.

قازىرگى تاڭدا، شىمكەنت قالاسىندا جالپى كوروناۆيرۋس ينفەكتسياسىنا شالدىققان 27 جاعداي تىركەلگەن.

پىكىرلەر