كورنەكى سۋرەت © REUTERS
دەنساۋلىق ساقتاۋ ءمينيسترى ەلجان ءبىرتانوۆ قازاقستانداعى كوروناۆيرۋسقا قاتىستى بولجامىن ءبولىستى، - دەپ حابارلايدى Tengrinews.kz .
"وزگە ەلدەردىڭ تاجىريبەسىنە سۇيەنىپ، ۆيرۋس جۇقتىرۋدىڭ نەگىزگى كەزەڭى ءساۋىردىڭ ورتاسى مەن مامىر ايلارى، جالپى ەپيدەميانىڭ شارىقتاۋ شەگى ءساۋىردىڭ ءبىرىنشى جارتىسى بولادى دەپ ايتۋعا بولادى. ول كەزەڭدە شامامەن 3500 ناۋقاس بولادى دەپ ويلاپ وتىرمىز", - دەدى ءبىرتانوۆ Facebook جەلىسىندەگى پاراقشاسىندا.
"الداعى تاڭدا، جاز مەزگىلىندە ەپيدەميولوگتار ۆيرۋس قارقىندى تومەندەۋى مۇمكىن ەكەنىن، بىراق ەپيدەميا تولىعىمەن جوعالىپ كەتپەيتىنىن ايتادى. ساراپشىلار ەپيدەميا كۇزدە قايتالانۋى مۇمكىن ەكەنىن بولجاپ وتىر", - دەدى مينيستر.
وسى سەكىلدى بولجامداردىڭ ايتىلىپ جاتقاندىقتان، قازىردىڭ وزىندە كوروناۆيرۋس جۇقتىرعاندار ءۇشىن 3920 توسەك-ورىن مەن ۆيرۋستى جۇقتىرۋى مۇمكىن دەگەن كۇدىكتەگى ادامدارعا 7300 ورىن دايىندالعان. سونىمەن قاتار، اۋىر جاعدايداعى ناۋقاستارعا 170 جاساندى تىنىس الدىرۋ اپپاراتى مەن 38 قاننىڭ ەكستراكورپورالدى مەمبرانالىق وكسيگەناتسيا اپپاراتى بار 180 ورىن دايىندالعان.
"الايدا ناۋقاستار ورتا ەسەپپەن اۋرۋحانادا 3-4 اپتا جاتاتىنىن جانە ۆيرۋس جۇقتىرعاندار سانى ءوسۋى مۇمكىن ەكەنىن ەسكەرسەك، بىزگە ءالى دە قوسىمشا ورىندار قاجەت", - دەپ ءتۇسىندىردى ەلجان ءبىرتانوۆ.
