Kórneki sýret © REUTERS
Densaýlyq saqtaý mınıstri Eljan Birtanov Qazaqstandaǵy koronavırýsqa qatysty boljamyn bólisti, - dep habarlaıdy Tengrinews.kz .
"Ózge elderdiń tájirıbesine súıenip, vırýs juqtyrýdyń negizgi kezeńi sáýirdiń ortasy men mamyr aılary, jalpy epıdemııanyń sharyqtaý shegi sáýirdiń birinshi jartysy bolady dep aıtýǵa bolady. Ol kezeńde shamamen 3500 naýqas bolady dep oılap otyrmyz", - dedi Birtanov Facebook jelisindegi paraqshasynda.
"Aldaǵy tańda, jaz mezgilinde epıdemıologtar vırýs qarqyndy tómendeýi múmkin ekenin, biraq epıdemııa tolyǵymen joǵalyp ketpeıtinin aıtady. Sarapshylar epıdemııa kúzde qaıtalanýy múmkin ekenin boljap otyr", - dedi mınıstr.
Osy sekildi boljamdardyń aıtylyp jatqandyqtan, qazirdiń ózinde koronavırýs juqtyrǵandar úshin 3920 tósek-oryn men vırýsty juqtyrýy múmkin degen kúdiktegi adamdarǵa 7300 oryn daıyndalǵan. Sonymen qatar, aýyr jaǵdaıdaǵy naýqastarǵa 170 jasandy tynys aldyrý apparaty men 38 qannyń ekstrakorporaldy membranalyq oksıgenaııa apparaty bar 180 oryn daıyndalǵan.
"Alaıda naýqastar orta eseppen aýrýhanada 3-4 apta jatatynyn jáne vırýs juqtyrǵandar sany ósýi múmkin ekenin eskersek, bizge áli de qosymsha oryndar qajet", - dep túsindirdi Eljan Birtanov.
