ۇكىمەتىمىز اقپاراتتاندىرۋ مەن تسيفرلاندىرۋدىڭ دامۋىنا جۇمساعان قاراجاتقا الەمنىڭ ەڭ جوعارى تەحنولوگيالى كومپانيالارىنىڭ ءتىزىمىنىڭ جارتىسىن قۇرۋعا بولار ەدى.
امەريكالىقتاردا "تەك سۋ قايتقاندا عانا كىم دامبالسىز جۇزگەنى كورىنىپ قالادى" دەگەن جاقسى ماقال بار. وكىنىشكە وراي، ءبىلىم مينيسترلىگى ءوزىنىڭ كۇندەلىگىمەن، دەنساۋلىق ساقتاۋ مينيسترلىگى ءوزىنىڭ ۇلەستەس DamuMedىمەن، e-gov ەلەكتروندى ۇكىمەتى، تسيفرلاندىرۋ دەپ اتالاتىن كوپجىلدىق بوس اڭگىمە جاي عانا ۇرلىق بولىپ وتىر.
الايدا، بەلورۋس ەلى سەكىلدى وسىنداي تاپسىرىستاردى جەكە IT كومپانيالارعا بەرسە، قازاقستاننىڭ IT سەكتورىن تولىعىمەن زور قارقىنمەن اياققا تۇرعىزۋعا بولار ەدى. ولار وسى جۇمىستى ءجۇز، ءتىپتى، مىڭ ەسە ارزانىراق جاسايتىندارىنا سەنىمدىمىن.
كوككە ۇشقان قاراجات، ورنى تولماس جىلدار، اداسقان ۇرپاق. ءىس جۇزىندە جەمقورلىق ءبىزدى كوروناۆيرۋستان دا مىقتىراق، ءارى تەزىرەك ءبىزدىڭ تۇبىمىزگە جەتەدى.
⠀
جانە تاعى مىنا جايت بار، ەگەر ءوز كەزىندە ەكسپو ورتالىعىنىڭ ورنىنا اۋرۋحانالار سالعان بولساق، قازىر بۇل ءىستى اسىعىس قولعا الماس ەدىك. اقىرى سول كەزدە قاراجاتتى ورىنسىز جۇمساعان ەكەنبىز، ەندى سونىڭ ورنىن تولتىرىپ، ەكسپو ورتالىعىن اۋرۋحانا ەتىپ قايتا جابدىقتاۋدى ۇسىنامىن. جانە ەشكىمگە قاجەتى جوق قارجى ورتالىعىن قۋىپ شىعۋ كەرەك. ءوزىنىڭ گپفير، 30 كورپوراتيۆتىك ليدەر جوبالارىمەن شالدىڭ ميىن قاتىرعان باستاماشىلدار مەن يدەولوگتاردى سوتقا تارتۋ كەرەك.
مارعۇلان سەيسەمبايدىڭ جەلىدەگى جازباسى
