بۇل تۋرالى شىمكەنت قالاسى دەنساۋلىق ساقتاۋ باسقارماسى باسشىسىنىڭ ورىنباسارى ايگۇل بەكباۋوۆا مالىمدەدى.
قازىرگى تاڭدا شىمكەنت قالاسىنا كىرەتىن جولدارعا 18 بلوك-بەكەت قويىلعان. وندا 18 جەدەل مەديتسينالىق جاردەم بريگاداسى، باستاپقى مەديتسينالىق سانيتارلىق كومەك ۇيىمدارىنان 45 ورتا مەديتسينالىق قىزمەتكەر (فەلدشەرلەر، مەدبيكەلەر) 3 كەزەكتە جۇمىس ىستەۋدە. بلوك-بەكەتتەردەگى مەديتسينالىق پۋنكتتەر 52 بايلانىسسىز تەرمومەترمەن، وباعا قارسى 71 كوستيۋم جيىنتىعىمەن جابدىقتالعان.
شىمكەنت قالاسى بويىنشا قاجەت توسەك-ورىندار، گوسپيتالدار تولىق دايىن. ناقتىراق ايتقاندا، قالادا بارلىعى 680 توسەك-ورىنعا ارنالعان پروۆيزورلىق ستاتسيونارلار بار (قالالىق جۇقپالى اۋرۋلار اۋرۋحاناسى – 180 توسەك، «مەيىرىم» وڭالتۋ ورتالىعى — 120 توسەك، «اتامەكەن» مەديتسينالىق ورتالىعى — 380 توسەك).
1456 توسەك-ورىنعا ارنالعان كارانتيندىك ستاتسيونارلار قاراستىرىلعان. سونداي-اق، 200 توسەك-ورىندى جەدەل سالىناتىن ينفەكتسيالىق گوسپيتال سالۋ ماسەلەسى قاراستىرىلۋدا.
