تارازداعى قىزمەت كورسەتۋ ورتالىعىنا ارنايى جاساق باسىپ كىردى، دەپ حابارلايدى “ادىرنا” ۇلتتىق پورتالى.
حابارلانعانداي، اۆتوكولىك جۇرگىزۋشىلەرىنە قىزمەت كورسەتۋ ورتالىعىنىڭ باسشىلىعى زاڭسىز كۋالىك بەردى دەگەن كۇدىككە ءىلىندى.
12 اقپاندا قۇقىق قورعاۋ قىزمەتكەرلەرى تاراز قالاسىنداعى ارنايى حالىققا قىزمەت كورسەتۋ ورتالىعىندا، سونداي-اق ورتالىقتىڭ باسشىلارى مەن كەيبىر شەنەۋنىكتەرىنىڭ پاتەرلەرىنە رەيد جۇرگىزدى.
قازاقستان رەسپۋبليكاسى ءىىم ءباسپاسوز قىزمەتىنىڭ حابارلاۋىنشا، ارنايى جاساقتىڭ بۇل ارەكەتىنە بەلگىلى ءبىر ۋاقىت بويى وقىتپاي، كولىك جۇرگىزۋ بويىنشا تاجىريبە وتكىزبەي، اقشاعا زاڭسىز جۇرگىزۋشى كۋالىگىن بەرىپ كەلگەن كۇدىكتىلەردىڭ ۇستالۋى سەبەپ بولعان. پوليتسيانىڭ مالىمەتىنشە، قىلمىستىق توپتىڭ قۇرامىندا جامبىل جانە تۇركىستان وبلىستارىندا، الماتى مەن شىمكەنتتە تۇراتىن حالىققا قىزمەت كورسەتۋ ورتالىقتارىنىڭ قىزمەتكەرلەرى، ونىڭ ىشىندە باسشىلىق پەن كومەكشىلەرى بولعان.
“كومەكشىلەرى” وسى وڭىرلەردىڭ بارلىعىنان كليەنتتەر ىزدەپ، تارازدىق كەڭسە قىزمەتكەرلەرى ولارعا جۇرگىزۋشى كۋالىگىن بەرىپ، قۇجاتتارىن مالىمەتتەر بازاسىنا تىركەگەن.
اتالعان زاڭسىز ارەكەتتىڭ قالاي جۇزەگە اسقانى بەيمالىم، بىراق «جول ەرەجەسىنىڭ سوڭعى 3.0 نۇسقاسىندا» مىندەتتى تۇردە كۋرسانتتىڭ بيومەتريالىق سايكەستەندىرۋىن تالاپ ەتەدى. قازىرگى ۋاقىتتا زاڭسىز قۇجات بەرۋدىڭ 35 فاكتىسى انىقتالىپ، قىلمىستىق سحەمانى ۇيىمداستىرۋشىلار مەن ورىنداۋشىلار ۋاقىتشا ۇستاۋ يزولياتورىنا قامالدى.
“ادىرنا” ۇلتتىق پورتالى
