اقش-تا بەزگەككە قارسى دارىمەن كوروناۆيرۋستى ەمدەيدى

315

اقش ازىق-تۇلىك ونىمدەرى مەن ءدارى-دارمەكتەردىڭ ساپاسىن سانيتارلىق قاداعالاۋ باسقارماسى كوروناۆيرۋستى ينفەكتسيامەن اۋىراتىن ناۋقاستاردى ەمدەۋ ءۇشىن بەزگەككە قارسى "گيدروكسيحلوروحين" جانە "حلوروحين" پرەپاراتتارىن قولدانۋعا رۇقسات بەردى، - دەپ حابارلايدى ريا نوۆوستي.

"بۇل ءدارى-دارمەكتەر دارىگەرلەر COVID-19 دياگنوزىمەن تىركەلگەن جاسوسپىرىمدەر مەن ۇلكەن جاستاعى ناۋقاستارعا دەنساۋلىعىنىق جاعدايىنا بايلانىستى، كلينيكالىق زەرتتەۋ مۇمكىن بولماعان جاعدايدا ۇلتتىق ستراتەگيالىق قوردان شتاتتارعا جىبەرىلەدى", - دەلىنگەن باسقارما حابارلاماسىندا.

اقش دەنساۋلىق ساقتاۋ مينيسترلىگىنىڭ مالىمەتىنشە، كوروناۆيرۋس جۇقتىرعان ناۋقاستاردى ەمدەۋ ءۇشىن "گيدروكسيحلوروحين سۋلفاتىنىڭ" 30 ميلليون دوزاسىن جانە "حلوروحينفوسفاتتىڭ" ميلليون دوزاسىن العان.

"كوروناۆيرۋستىڭ ناقتى ەمى جوق بولسا دا ەكى پرەپارات زەرتحانا ناتيجەسى بويىنشا جارامدى ەكەنىن كورسەتتى", - دەيدى مينيسترلىك وكىلدەرى.

ايتا كەتەيىك، اقش كوروناۆيرۋس جۇقتىرۋ دەرەگى بويىنشا ءبىرىنشى ورىندا تۇر. ەل بويىنشا 165 مىڭعا جۋىق ادام كوروناۆيرۋس جۇقتىرىپ، ونىڭ 3,1 مىڭى قايتىس بولعان.

پىكىرلەر
رەداكتسيا تاڭداۋى