الماتىعا اينالما جولمەن الىپ كەتۋگە ۋادە بەرگەن جۇرگىزۋشىلەر ۇستالدى

2389
Adyrna.kz Telegram

 الماتى پوليتسياسى بلوك بەكەتتى اينالىپ وتۋگە ۋادە بەرگەن جەكە كولىك جۇرگىزۋشىلەرىن ۇستادى، دەپ حابارلادى Polisia.kz.

پوليتسەيلەر قالانىڭ باتىس جاعىندا ورنالاسقان № 20 بلوك بەكەتىندە بەس ەر ادامدى ۇستادى، ولار ازاماتتارعا اقشاسىن بەرگەن جاعدايدا بەكەتتەن اينالىپ ءوتىپ، قالاعا الىپ كەتۋگە ۋادە بەرگەن.

"ولار ادام باسىنا 3 مىڭنان 5 مىڭ تەڭگەگە دەيىن سۇراعان. ەر ادامدار ۇستالىپ، قازاقستان اكىمشىلىك قۇقىق بۇزۋشىلىق تۋرالى كودەكسىنىڭ 476-بابى "توتەنشە جاعدايدى بۇزۋ" بويىنشا قىلمىستىق جاۋاپكەرشىلىككە تارتىلدى. الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن اتالعان ادامدارعا ايىپپۇل سالىندى", – دەدى ناۋرىزباي اۋداندىق پوليتسيا باسقارماسىنىڭ باسشىسى ديدار احانوۆ.

وسىعان بايلانىستى، الماتى پوليتسيا دەپارتامەنتى تاعى ءبىر رەت ازاماتتاردى زاڭعا باعىنۋعا جانە كەدەرگىلەردەن ءوتۋدىڭ زاڭسىز جولدارىن ىزدەمەۋگە شاقىردى.

"بۇل ارەكەتتەر پايداسىز جانە ناتيجە بەرمەيدى. توتەنشە جاعداي كەزىندە وڭاي اقشا تاپقىسى كەلەتىندەرگە جاۋاپكەرشىلىكتى ۇمىتپاۋ قاجەتتىگىن ەسكەرتەمىن. مۇنداي فاكتىلەر بىردەن توقتاتىلادى", – دەدى احانوۆ.

دەنساۋلىق ساقتاۋ مينيسترلىگىنىڭ مالىمەتىنشە، قازاقستاندا كوروناۆيرۋس جۇقتىرعاندار سانى 57 ادامعا جەتتى. نۇر-سۇلتاندا – 31, الماتىدا – 23, قاراعاندىدا - 2, الماتى وبلىسىندا - 1 ادام.

نۇر-سۇلتان مەن الماتىدا كارانتين جاريالاندى. 22 ناۋرىزدان باستاپ بۇل قالالارعا كىرىپ-شىعۋعا تىيىم سالىندى.

Sputnik.

پىكىرلەر