Almaty qalasynyń mamandandyrylǵan aýdanaralyq ákimshilik sotynyń sheshimimen ustalǵandarǵa aıyppul salyndy
Almaty polıııasy blok beketti aınalyp ótýge ýáde bergen jeke kólik júrgizýshilerin ustady, dep habarlady Polisia.kz.
Polıeıler qalanyń batys jaǵynda ornalasqan № 20 blok beketinde bes er adamdy ustady, olar azamattarǵa aqshasyn bergen jaǵdaıda beketten aınalyp ótip, qalaǵa alyp ketýge ýáde bergen.
"Olar adam basyna 3 myńnan 5 myń teńgege deıin suraǵan. Er adamdar ustalyp, Qazaqstan Ákimshilik quqyq buzýshylyq týraly kodeksiniń 476-baby "Tótenshe jaǵdaıdy buzý" boıynsha qylmystyq jaýapkershilikke tartyldy. Almaty qalasynyń mamandandyrylǵan aýdanaralyq ákimshilik sotynyń sheshimimen atalǵan adamdarǵa aıyppul salyndy", – dedi Naýryzbaı aýdandyq polıııa basqarmasynyń basshysy Dıdar Ahanov.
Osyǵan baılanysty, Almaty polıııa departamenti taǵy bir ret azamattardy zańǵa baǵynýǵa jáne kedergilerden ótýdiń zańsyz joldaryn izdemeýge shaqyrdy.
"Bul áreketter paıdasyz jáne nátıje bermeıdi. Tótenshe jaǵdaı kezinde ońaı aqsha tapqysy keletinderge jaýapkershilikti umytpaý qajettigin eskertemin. Mundaı faktiler birden toqtatylady", – dedi Ahanov.
Densaýlyq saqtaý mınıstrliginiń málimetinshe, Qazaqstanda koronavırýs juqtyrǵandar sany 57 adamǵa jetti. Nur-Sultanda – 31, Almatyda – 23, Qaraǵandyda - 2, Almaty oblysynda - 1 adam.
Nur-Sultan men Almatyda karantın jarııalandy. 22 naýryzdan bastap bul qalalarǵa kirip-shyǵýǵa tyıym salyndy.
Sputnik.
