كەشە جەزدەممەن اڭگىمەلەسىپ وتىرعاندا اڭگىمە كورونوۆيرۋس جايىندا وربىگەن ەدى، سوندا ول "ەشقانداي ۆيرۋس جوق، بۇنىڭ ءبارى بيلىكتىڭ "پود شۋموك" داريعانى بيلىككە اكەلمەك بوپ جاتقان ارەكەتىنەن تۋىنداعان شۋ عوي" دەپ قاراپ تۇرعانى.
بۇگىن زۆانداسقان جولداس جىگىت ودان ءارى كەتتى.
"بۇل ابىگەر ماسسونداردىڭ كارى قۇرتاڭداردى قۇرتپاق بوپ جاتقان ارەكەتىنە ۇقسايدى، وسىنىڭ ءوزى وتىرىك سياقتى، تەك تەلەۆيزوردان كورسەتىپ "سونشا ءولدى، مۇنشا اۋىردى" دەپ قۇرعاق تسيفرلاردى قۋىپ جاتىر ايتەۋىر، راس پا، وتىرىك پە ونى كىم بىلگەن، سەنبەيمىن مەن بۇعان" دەدى.
مەنىڭشە بىزدە ءالى ءبىراز ادامدار بۇل ىندەتتىڭ الار ورىنىن، زاردابىن ءالى تۇسىنبەگەن.
بىلتىردان بەرى كۇللى جاھاندىق ەكونوميكاعا كۇيرەتە سوققى بەرىپ، مىڭداعان ادامداردىڭ ءومىرىن جالماعان، مەديتسينا ءىلىمىن تىعىرىققا تىرەپ، ءبىرتالاي عالىمداردىڭ باسىن قاتىرىپ، جەر جاھاننىڭ الپاۋىت ەلدەرىنىڭ قۇزىرلى باسشىلارىنىڭ ۇرەيىن الىپ، ولارعا ءوز السىزدىكتەرىن مويىنداتىپ قويىپ ىلاڭ سالىپ جاتقان ۆيرۋس تۋرالى قازاق جىگىتتەرىنىڭ ويى وسىنداي ەكەن.
ءبىز حالىق رەتىندە وزگە الەمنەن قاتتى جىراقتاپ قالعان، باسقا پلانەتادا ءوز الەمىندە عانا ءومىر سۇرەتىن حالىققا ۇقساپ كەتەمىز كەيدە.
ولجاس ءابىل
