QR densaýlyq saqtaý mınıstri Eljan Birtanov elimizde koronavırýs juqtyrǵandardyń joq ekendigin aıtyp, Facebook-tegi paraqshasynda málimdeme jasady.
Qytaıdan bastaý alǵan koronavırýs ınfekııasy 115 elge taralyp, keń beleń alyp otyr. Olardyń ishinde bizdiń kórshi, shekaralas elder de bar. Biz olarmen tikeleı áýe qatynastaryn ornatqanbyz. Álemnen túgeldeı oqshaýlaný múmkin emes ekendigin barlyǵymyz bilemiz, túsinemiz. Elimizdiń aýmaǵyna ınfekııanyń enýi múmkin ekenin de joqqa shyǵarmaımyz. Biraq Úkimet koronavırýs ınfekııasynyń elimizge kirip, taralyp ketpeýi úshin barlyq qajetti sharalardy atqaryp jatyr. Búginde elimizde koronavırýs juqtyrǵan birde-bir jaǵdaı anyqtalmady, - dedi Birtanov.
Elimizdiń bas sanıtary Bekshınniń elimizde 1-2 kúnde koronavırýs ınfekııasynyń anyqtalyp qalady degen boljamy, tek bizdiń ǵalymdardyń statıstıkalyq modeldeý ádisiniń boljamy ǵana ekendigin de jetkizdi.
Olar elimizdegi jolaýshylar aǵymy men álem boıynsha taralyp jatqan ınfekııanyń taralýyn bastapqy derek retinde alyp, boljam jasap otyr. Eskeretin jaıt, syrtqy faktorlardyń áserinen derekter únemi ózgerip otyrady. Lanet jýrnalynda osyǵan uqsas boljam jasalǵan. Iaǵnı ınfekııanyń Qytaıdan ózge megapolısterge taralýyn boljaǵan. Bizdiń ǵalymdardyń boljamy júzege aspaýy da múmkin. Taǵy da esertip aıtamyn, Qazaqstanda koronavırýs ınfekııasy búgingi kúnge deıin tirkelmedi, - dedi mınıstr.
Esterińizge sala keteıik, Bekshın elimizde 11-16 naýryzda koronavırýs tirkelýi múmkin degen boljam aıtqan bolatyn.
