Microsoft كورپوراتسياسىنىڭ نەگىزىن قالاۋشى بيلل گەيتس الەمدىك كوروناۆيرۋستىق پاندەميا 2022 جىلدىڭ سوڭىنا دەيىن توقتامايتىنىن ايتتى، دەپ حابارلايدى "ادىرنا" ءتىلشىسى. بۇل تۋرالى ول TVN24-كە بەرگەن سۇحباتىندا ايتتى.
ميللياردەردىڭ ايتۋىنشا، ۆاكتسيناتسيا ۆيرۋستىڭ تارالۋىن توقتاتادى. بيلل گەيتس جۇرگىزۋشىنىڭ سۇراعىنا جاۋاپ بەرە وتىرىپ، بارلىق مەملەكەتتەر COVID-19-دان تولىق قۇتىلعانعا دەيىن بۇكىل الەم بويىنشا شەكتەۋلەر ساقتالاتىنىن ايتتى.
«2021 جىلدىڭ سوڭىنا دەيىن ۆاكتسيناتسيانىڭ دەڭگەيى سونشالىقتى جوعارى بولۋى مۇمكىن. اۋرۋدىڭ سانى ازايا باستايدى، دەگەنمەن مۇلدەم جويىلادى دەۋگە كەلمەيدى. ماسكا تاعۋ جانە كوپشىلىك ورىنعا جينالۋعا تىيىم سالۋ سياقتى شەكتەۋلەر الەمدىك پاندەميادان ارىلمايىنشا ءوز جالعاسىن تابادى»، - دەدى ول.
بيلل گەيتستىڭ ايتۋىنشا، الەم 2022 جىلدىڭ اياعىندا قالىپتى ومىرگە قايتا ورالۋى مۇمكىن.
«كوپشىلىك قاۋىم ءبارىن جالعان دەپ ەستىپ الىپ، بەتپەردە كيۋدەن جانە ۆاكتسينا الۋدان باس تارتىپ جاتقاندىعى وتە وكىنىشتى»، - دەيدى ميللياردەر.
"ادىرنا" ۇلتتىق پورتالى
