ەپيدەميولوگيالىق جاعدايدىڭ ناشارلاۋىنا بايلانىستى قازاقستان تۇركيامەن رەيستەر سانىن قىسقارتۋدى جوسپارلاپ وتىر. بۇل تۋرالى دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ باسشىسى ايجان ەسماعامبەتوۆا باياندادى، دەپ حابارلايدى "ادىرنا" ۇلتتىق پورتالى دەرەككوزگە سىلتەپ.
«شىنىندا دا، تۇركيادا ەپيدەميولوگيالىق احۋال وتە قيىن. كۇن سايىن 50 مىڭنان استام اۋرۋ تىركەلۋدە. بۇل ءبىزدىڭ ستاتيستيكامەن سالىستىرعاندا، 5,5 ەسە كوپ. سوندىقتان، بۇگىن ماب وتىرىسىندا تۇركيامەن رەيستەر سانىن ازايتۋ جايلى ۇسىنىستار جاسالدى . بۇگىن بۇل ۇسىنىستار قاراستىرىلۋدا »، دەدى ەسماعامبەتوۆا وكق بريفينگىندە.
ەستەرىڭىزگە سالا كەتەيىك، تۇركيانىڭ دەنساۋلىق ساقتاۋ مينيسترلىگىنىڭ باسشىسى فاحرەتتين كوجا كوروناۆيرۋس پاندەمياسى باستالعاننان بەرى ەل باسىنان وتكەرىپ وتىرعان ەڭ قيىن كەزەڭ تۋرالى ايتتى. جۇقتىرۋشىلاردىڭ 85 پايىزىندا «بريتاندىق» مۋتاتسيا. بىراق باسقا دا مۋتاتسيالار تۇركيادا تابىلدى. مىسالى، 166 ادامدا ۆيرۋستىڭ «برازيليالىق» نۇسقاسى تابىلدى.
"ادىرنا" ۇلتتىق پورتالى
