ابىلاي حان مونۋمەنتىنە حالىقارالىق كونكۋرس جاريالانادى

2896
Adyrna.kz Telegram

بۇل تۋرالى ابىلاي حانعا مونۋمەنت ورناتۋ يدەياسىنىڭ اۆتورى، قازاق كۇرەسى فەدەراتسياسىنىڭ ءبىرىنشى ۆيتسە-پرەزيدەنتى ارمان شوراەۆ مالىمدەدى. بۇل تۋرالى baq.kz حابارلادى.

ارمان شوراەۆتىڭ ايتۋىنشا، ەرتەڭنەن باستاپ مونۋمەنتتىڭ ەسكيزىنە حالىقارالىق كونكۋرس جاريالانادى.

مەنىڭ ءبىر ارمانىم – وسى مونۋمەنت "جاسىل تەحنولوگيالاردىڭ" كومەگىمەن ءوز-ءوزىن جىلۋمەن، ەلەكتر ەنەرگياسىمەن قامتاماسىز ەتەتىن بولسا. باعاسىنا كەلسەك، مىسالى، موڭعولياداعى شىڭعىس حان مۇسىنىنە 5 ملن دوللار جۇمسالدى. ول اقشا 10 جىلدىڭ ىشىندە ءوز-ءوزىن اقتاپ شىقتى. بۇل جاي عانا اقشا سوراتىن جوبا ەمەس. مەملەكەتتەن تەك جەر تەلىمى مەن جول بولسا دەگەن كومەك سۇراپ وتىرمىز. مونۋمەنتتىڭ بولجالدى ورنى تاسجولدان ءبىر شاقىرىمدا تۇر. ال شىعىندى "كراۋدفاندينگ" ارقىلى، باياعى قازاقتىڭ اسار ءداستۇرى بويىنشا جينايمىز. ونىڭ سىرتىندا اتىمتاي كاسىپكەرلەر مەن بيزنەسمەندەر بار. بۇل جاعىنان قازاق كۇرەسىن وتكىزۋدەگى تاجىريبەمىز بار، – دەيدى ارمان شوراەۆ.

ونىڭ ايتۋىنا قاراعاندا كونكۋرستىڭ ءبىرىنشى كەزەڭى 1 ناۋرىزدان باستاپ 15 ساۋىرگە دەيىن وتەدى.

ءبىرىنشى قورىتىندى بويىنشا كوميسسيانىڭ كوڭىلىنەن شىققان 5 جوبانى ىرىكتەپ الىپ، اۆتورلارىنا ءتيىستى قارجى ءبولىپ، ماكەت جاساتامىز. مامىردىڭ جەتىسىندە، باتىرلار كۇنى نۇر-سۇلتان قالاسىنداعى اسكەري-تاريحي مۋزەيدە كونكۋرس قورىتىندىلانادى، – دەيدى يدەيا اۆتورى.

ول ابىلاي حاننىڭ بولمىسىن اشىپ بەرە الاتىن جانە مونۋمەنتكە ءار بەرەتىن ۇزدىك ەسكيىزدى انىقتايتىن كوميسسيا قۇرامىندا كىمدەر بار ەكەنىن اتادى.

كوميسسياعا ماۋلەن اشىمباەۆ، ابىلاي حاننىڭ تىكەلەي ۇرپاعى شوتا ءۋاليحانوۆ، مۇرات اۋەزوۆ، تۇرسىن جۇرتباي، نۇرتورە ءجۇسىپ، دارحان مىڭباي،  بەرىك ابدىعالي، دوسقان جولجاقسىنوۆ، كوكشەتاۋلىق اقىن تولەگەن قاجىباەۆ،  ءمۇسىنشى مۇرات مانسۇروۆ، تاريحشى زيابەك قابىلدينوۆ كىردى. وسىنداي نامىسىن نانعا ساتپايتىن ازاماتتار وبەكتيۆتى تۇردە ىرىكتەيدى، – دەدى ول.

پىكىرلەر