كوكشەتاۋدا رەسەي سالىپ جاتقان جاڭا جىلۋ ەلەكتر ورتالىعى (جەو) 2028 جىلى پايدالانۋعا بەرىلەدى. اقمولا وبلىسىنىڭ اكىمى مارات احمەتجانوۆ قۇرىلىس جۇمىستارىنىڭ قازىرگى جاعدايى تۋرالى مالىمدەدى، دەپ حابارلايدى "ادىرنا" ۇلتتىق پورتالى ينفورمبيۋرو قىزمەتىنە سىلتەپ.
ء"ساۋىر ايىندا قار ەرىگەننەن كەيىن دايىندىق جۇمىستارى باستالادى. نىساننىڭ جوسپارلانۋى، قۇرىلىس الاڭىن ازىرلەۋ، قىزمەتكەرلەرگە ارنالعان تۇرعىن جانە قىزمەتتىك عيماراتتار سالۋ جۇمىستارى جۇرگىزىلەدى. قازىردىڭ وزىندە "كوكشەجەو" كوممۋنالدىق كاسىپورنى قۇرىلدى. جوبا بەلگىلەنگەن 36 اي مەرزىم ىشىندە اياقتالادى دەپ كۇتىلۋدە،" – دەدى ءوڭىر باسشىسى.
ەسكە سالا كەتسەك، كوكشەتاۋ، سەمەي جانە وسكەمەندە رەسەيلىك ينۆەستيتسيالار ەسەبىنەن ءۇش جاڭا جەو سالىنۋدا. نىسانداردىڭ تولىق ىسكە قوسىلۋى 2028 جىلعا جوسپارلانعان. كوكشەتاۋ جەو-سىنىڭ بەلسەندى قۇرىلىس كەزەڭى 2024 جىلدىڭ جازىندا باستالدى.
