Bul týraly Abylaı hanǵa monýment ornatý ıdeıasynyń avtory, Qazaq kúresi federaııasynyń birinshi vıe-prezıdenti Arman Shoraev málimdedi. Bul týraly baq.kz habarlady.
Arman Shoraevtyń aıtýynsha, erteńnen bastap monýmenttiń eskızine halyqaralyq konkýrs jarııalanady.
Meniń bir armanym – osy monýment "jasyl tehnologııalardyń" kómegimen óz-ózin jylýmen, elektr energııasymen qamtamasyz etetin bolsa. Baǵasyna kelsek, mysaly, Mońǵolııadaǵy Shyńǵys han músinine 5 mln dollar jumsaldy. Ol aqsha 10 jyldyń ishinde óz-ózin aqtap shyqty. Bul jaı ǵana aqsha soratyn joba emes. Memleketten tek jer telimi men jol bolsa degen kómek surap otyrmyz. Monýmenttiń boljaldy orny tasjoldan bir shaqyrymda tur. Al shyǵyndy "kraýdfandıng" arqyly, baıaǵy qazaqtyń asar dástúri boıynsha jınaımyz. Onyń syrtynda atymtaı kásipkerler men bıznesmender bar. Bul jaǵynan qazaq kúresin ótkizýdegi tájirıbemiz bar, – deıdi Arman Shoraev.
Onyń aıtýyna qaraǵanda konkýrstyń birinshi kezeńi 1 naýryzdan bastap 15 sáýirge deıin ótedi.
Birinshi qorytyndy boıynsha komıssııanyń kóńilinen shyqqan 5 jobany iriktep alyp, avtorlaryna tıisti qarjy bólip, maket jasatamyz. Mamyrdyń jetisinde, Batyrlar kúni Nur-Sultan qalasyndaǵy Áskerı-tarıhı mýzeıde konkýrs qorytyndylanady, – deıdi ıdeıa avtory.
Ol Abylaı hannyń bolmysyn ashyp bere alatyn jáne monýmentke ár beretin úzdik eskıizdi anyqtaıtyn komıssııa quramynda kimder bar ekenin atady.
Komıssııaǵa Máýlen Áshimbaev, Abylaı hannyń tikeleı urpaǵy Shota Ýálıhanov, Murat Áýezov, Tursyn Jurtbaı, Nurtóre Júsip, Darhan Myńbaı, Berik Ábdiǵalı, Dosqan Joljaqsynov, kókshetaýlyq aqyn Tólegen Qajybaev, músinshi Murat Mansurov, tarıhshy Zııabek Qabyldınov kirdi. Osyndaı namysyn nanǵa satpaıtyn azamattar obektıvti túrde irikteıdi, – dedi ol.
