Qytaıda koronavırýstyń jańa tıpine shaldyqqandar sany 78497 adamǵa jetip, qaıtys bolǵandar sany 2744 adamdy qurady.
Bul týraly 27 aqpanda QHR densaýlyq saqtaý máselelerine jaýapty memlekettik komıtet habarlady.
Sońǵy derekterge súıensek, aýrýhanadan jazylyp shyqqandar sany - 32495.
Bir táýlikte 29 adam qaıtys boldy, 433 adam vırýs juqtyrdy jáne 2750 adam jazylyp shyqty.
Jaqynda DDSU bas dırektory Tedros Adhanom Gebreıesýs Qytaıda aýrýǵa shaldyqqandar sany tómendeıdi dep málimdegen bolatyn. Sońǵy kezde COVID-19 epıdemııasy óziniń eń shekti deńgeıine jetip, aýyrǵandar sany azaıa bastaǵany baıqalady.
Ótken táýlikte álem elderinde koronavırýstan qaıtys bolǵandar sany Qytaıdaǵy kórsetkishten asyp tústi.
Eýropa elderi arasynda COVID-19 vırýsyn juqtyrǵan sany jaǵynan Italııa aldyńǵy orynda tur. Onda 400 adamnyń aýrýǵa shaldyqqany anyqtaldy.
