الماتى قالالىق قوعامدىق دەنساۋلىق باسقارماسى باسشىسى ورىنباسارىنىڭ مىندەتىن اتقارۋشى لاۋرا مىرزاعالي «ۆاكتسينادان كوز جۇمعان» دەلىنگەن ەكى ادام تۋرالى مالىمدەدى، دەپ حابارلايدى «ادىرنا» ۇلتتىق پورتالى.
ەكى ادامنىڭ ناقتى نەدەن قايتىس بولعانى بەلگىلى بولعان جوق. ولاردىڭ ولىمىنە ۆاكتسينا اسەر ەتتى دەپ ايتۋعا ءالى ەرتە.
«قازىرگى ۋاقىتتا اتالعان دەرەك بويىنشا تەرگەپ-تەكسەرۋ جۇمىستارى جۇرگىزىلىپ جاتىر. ولاردى ۆاكتسينادان كوز جۇمدى دەپ ايتۋعا ءالى ەرتە. قورىتىندى وسى جىلدىڭ ماۋسىم ايىندا دايىن بولۋى كەرەك. سول كەزدە سەبەبىن، ايتاتىن بولامىز»، - دەدى لاۋرا مىرزاعالي ونلاين بريفينگتە.
ايتا كەتەيىك، ساۋىردە وتاندىق سايتتاردا №4 پەرزەنتحانا قىزمەتكەرىنىڭ ۆاكتسيناتسيادان كەيىن قايتىس بولعانى تۋرالى اقپارات تارادى. سودان سوڭ 42 جاستاعى الماتىلىق باقىتجان ءنۇرتازيننىڭ ءولىمى جايلى دا اقپارات شىقتى.
"ادىرنا" ۇلتتىق پورتالى
