اقش پەن ۇلىبريتانيا قىتايعا قارسى الىپ جوباعا تريلليونداعان دوللار قاراجات بولمەكشى

7054
ناتو ەلدەرى قىتايعا قارسى شۇعىل ارەكەتكە كوشىپ جاتىر.
الەمدە گەوساياسي تارتىس باستالىپ كەتتى. اقش پەن ۇلىبريتانيا قىتايعا قارسى الىپ جوباعا تريلليونداعان دوللار قاراجات بولمەكشى.
اقش پەن ۇلىبريتانيا قىتايعا قارسى جويقىن كونفرونتاتسيالىق قادامعا كوشتى. بۇل ادەتتەگى گەوساياسي قاقتىعىس پەن پەكينگە قارسى باعىتتالعان ساياسي-ەكونوميكالىق، اقپاراتتىق-تەحنولوگيالىق قىسىممەن ىسكە اساتىن پروتسەسس. ءدال وسى جوبا دونالد ترامپتىڭ كەزىندە جۇزەگە اسۋى كەرەك بولاتىن. بىراق ترامپ بوسبەلبەۋلىك تانىتىپ، كەيىنگە قالدىرا بەرگەن. كاپيتولي كونگرەسى دە سول ءۇشىن ترامپتى ايىپتاعان. ءدال قازىر اقش-تا ترامپقا قارسى سوت ءجۇرىپ جاتىر.
بريۋسسەلدە ترانساتلانتيكالىق بلوكتىڭ ەلدەرى دە اقش-پەن ۇلىبريتانيانىڭ بۇل قادامىن قولداپ، اسپاناستى ەلىنىڭ ەكونوميكالىق قارقىنىنا قارسى تۇراتىن قۇرلىقارالىق جوبانى ىسكە اسىرۋدى قولداپ شىقتى. اقش باستاعان ناتو ەلدەرى وسىلاي جاڭا قادامعا بارعالى وتىر.
بۇل جوبا قىتاي ەكونوميكاسىنا قارسى ساياسي-ەكونوميكالىق، اقپاراتتىق-تەحنولوگيالىق مايداندا باسەكەلەس بولعالى تۇر. قىتاي قازىر ءوزىنىڭ ىقپالىنا ورتا ازيا مەن افريكانىڭ، ەۋروپانىڭ بىرنەشە ەلدەرىن كىرگىزىپ الدى. قىتايعا قارسى الىپ جوبادا باتىس ەلدەرى جەڭىسكە جەتەتىنىنە سەنىمدى. ەڭ الدىمەن 5G اقپاراتتىق-تەحنولوگيالىق قۇرىلعىلارىنا سانكتسيا ارقىلى سوققى تيگەلى تۇر. مۇنىڭ ءىشىندى تۇتاس جاساندى ينتەللەكتى تەحنولوگيالارى جاتىر.
حالىقارالىق ەكسپەرتتەر مۇنى قىتاي ينۆەستيتسياسىن "نولدىك" شكالاعا قۇلاتۋ ءۇشىن، ەو-نىڭ وندىرىستىك-لوگيستيكالىق الەۋەتىن جاقسارتۋ ءۇشىن اقش وزىنە پريوريتەت ساناپ، ىسكە اسىرعالى وتىر دەپ ايتۋدا. قازىر ەۋروپا ەلدەرىنىڭ نارىعىندا قىتايدىڭ "موتور سيچ", COSCO سياقتى الىپ وندىرىستىك ورىندارى بار. وسى ءوندىرىس ورىندارىن ەۋروپا نارىعىنان ىعىستىرۋ ماقساتىندا جاقىن ارادا اقش، قانادا، ۇلىبريتانيا، ەۋرووداق ەلدەرىنىڭ قىتايعا قارسى ەكونوميكالىق سانكتسياسى جاريالانباقشى. 
جاقىندا عانا قىتاي ەو ەلدەرىنە قارسى سانكتسيا جاريالاعان بولاتىن، سوعان قارسى ناتو ەلدەرىنىڭ دە قىتايعا قارسى جاۋابى جويقىن بولماق. الەمدە گەوساياسي تارتىستار باستالىپ كەتتى. قازىر باستى نىسانادا رەسەي مەن قىتاي تۇر.
بەكبولات قارجان،
"ادىرنا" ۇلتتىق پورتالى 
 
 
پىكىرلەر
ۇقساس جاڭالىقتار