قىتايدىڭ ۋحان قالاسىندا COVID-19 ۆيرۋسىنان ايىققاندار قايتادان كوروناۆيرۋس جۇقتىرعان. بۇل تۋرالى قىتايدىڭ گيگيەنا جانە دەنساۋلىق ساقتاۋ ماسەلەلەرى بويىنشا مەملەكەتتىك كوميتەتىنىڭ قۇجاتىندا ايتىلادى، - دەپ حابارلايدى "روسسيا-24".
The South China Morning Post مالىمەتىنشە، ۋحاندا قالا بيلىگى كوروناۆيرۋستان ايىققانداردىڭ بارلىعىن قوسىمشا 14 كۇندىك كارانتينگە جىبەرىپ جاتىر.
دارىگەرلەردىڭ ايتۋىنشا، كوروناۆيرۋسپەن اۋىرىپ، بىراق كەيىن جازىلىپ، اۋرۋحانادان شىققاندار باسقا دا ادامداردى جۇقتىرۋى مۇمكىن.
ال قىتايلىق عالىمدار كوروناۆيرۋستىڭ دەرتتىڭ ەشقانداي بەلگىلەرى جوق ادامنان دا جۇعۋى مۇمكىن ەكەنىن ايتادى. ولاردىڭ ايتۋىنشا، بۇل ۆيرۋستىڭ الدىن الۋعا قيىندىق تۋعىزادى.
Journal of the American Medical Association باسىلىمىندا جاريالانعان زەرتتەۋدە ۋحاننىڭ 20 جاستاعى تۇرعىنىنىڭ انيان قالاسىنداعى بەس تۋىسىن جۇقتىرعانى، بىراق وزىندە ۆيرۋستىڭ ەشقانداي بەلگىلەرى بولماعانىن ايتادى.
20 جاستاعى قىز ۋحاننان انيانعا 10 قاڭتاردا بارعانن 23-26 قاڭتار ارالىعىندا وتباسىنىڭ بەس مۇشەسى - 4 ايەل ادام مەن ءبىر ەر ادامدا (42-57 جاس ارالىعىنداعى) كوروناۆيرۋستىڭ بەلگىلەرى بايقالعان. بىرەۋى اۋىر جاعدايدا اۋرۋحاناعا جاتقىزىلعان، تاعى ەكەۋىنىڭ جاعدايى اۋىر دەپ باعالانىپ وتىر.
ال ۋحاننان كەلگەن قىزدىڭ دەنە قىزۋى دا جوعارىلاماعان، ەش جەرى اۋىرماعان. كومپيۋتەرلىك توموگرافيا دا ەشتەڭە انىقتاماعان. كەيىن COVID-19 ۆيرۋسى وتباسىنىڭ بارلىق التى مۇشەسىنەن انىقتالعان. ۋحاننان كەلگەن قىزدان دا انىقتالعان.
ەسكە سالايىق، قىتاي بيلىگى 2019 جىلى 31 جەلتوقساندا دۇنيەجۇزىلىك دەنساۋلىق ساقتاۋ ۇيىمىن ۋحانداعى بەلگىسىز پنەۆمونيانىڭ بەلەڭ الۋى تۋرالى حاباردار ەتتى. ماماندار اۋرۋدىڭ قوزدىرعىشتارىن انىقتادى - بۇل جاڭا كوروناۆيرۋس. دۇنيەجۇزىلىك دەنساۋلىق ساقتاۋ ۇيىمى حالىقارالىق ماڭىزى بار توتەنشە جاعداي دەپ تانىپ، اۋرۋعا رەسمي اتاۋ بەردى - COVID-19
tengrinews.kz